അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ഷാർജ: ഇന്ത്യൻ അസോസിയേഷന് കീഴിലുള്ള ഷാർജ ഇന്ത്യൻ സ്കൂൾ ജുവൈസ (ബോയ്സ് വിഭാഗം) പ്രിൻസിപ്പലായി മുഹമ്മദ് അമീൻ ചുമതലയേറ്റു. അസോസിയേഷൻ പ്രസിഡൻറ് ഡോ. ഇ.പി. ജോൺസൺ നിയമന ഉത്തരവ് കൈമാറി. 13 വർഷത്തിലേറെയായി വൈസ് പ്രിൻസിപ്പലും ഒന്നര വർഷമായി ആക്ടിങ് പ്രിൻസിപ്പലുമായി സേവനമനുഷ്ഠിച്ചിട്ടുണ്ട്. മലപ്പുറം നിലമ്പൂർ സ്വദേശിയായ മുഹമ്മദ് അമീൻ കാലിക്കറ്റ് യൂനിവേഴ്സിറ്റി മുൻ ഫുട്ബാൾ താരം കൂടിയാണ്. ഹെഡ് മാസ്റ്ററായിരുന്ന രാജീവ് മാധവനാണ് പുതിയ വൈസ് പ്രിൻസിപ്പൽ. ഹെഡ്മിസ്ട്രസായി ഷൈലജ രവിയെയും(ഗ്രേഡ് 6-12)ഹെഡ് മാസ്റ്ററായി കെ.വി. രാധാകൃഷ്ണനെയും (ഗ്രേഡ് 1-5) നിയമിച്ചു. മിനി സുരേഷ്, ലൗലി ഷമ്മി, റീന ഫിലി എന്നിവരെ സൂപ്പർ വൈസർമാരായും നിയമിച്ചു.
ജനറല്‍ സെക്രട്ടറി അബ്ദുല്ല മല്ലച്ചേരി, വൈസ് പ്രസിഡൻറ് അഡ്വ. വൈ.എ. റഹീം, മാനേജിങ് കമ്മിറ്റി അംഗങ്ങളായ അബ്ദുല്ല ചേലേരി, ടി.വി.നസീർ എന്നിവർ സംസാരിച്ചു.
