അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.കോഴിക്കോട്; നിരോധിത ലഹരി വസ്തുവുമായി യുവതിയടക്കം നാലു പേർ അറസ്റ്റിൽ.കോഴിക്കോട് ചേവരമ്പലം ഇടശ്ശേരി മീത്തല്‍ ഹരികൃഷ്ണ (24), ചേവായൂര്‍ വാകേരി ആകാശ് (24), ചാലപ്പുറം പുതിയ കോവിലകം പറമ്പ് രാഹുല്‍ പി.ആര്‍ (24), മലപ്പുറം താനൂര്‍ കുന്നുംപുറത്ത് ബിജിലാസ്(24) എന്നിവരാണ് ഹാഷിഷ് ഓയിലുമായി കോഴിക്കോട് മെഡിക്കല്‍ കോളേജ് പോലീസിന്റെ പിടിയിലായത്
രാത്രികാല പട്രോളിംഗിനിടെയാണ് നാലുപേരെയും പിടികൂടിയത് . പുലര്‍ച്ചെ 1.30 ന് കോഴിക്കോട് മിംസ് ആശുപത്രിക്ക് സമീപം മലബാര്‍ ഹോട്ടലിന് പിന്നിൽ വാഹനങ്ങള്‍ പാര്‍ക്ക് ചെയ്യുന്ന സ്ഥലത്തായി മൂന്ന് ചെറുപ്പക്കാരും ഒരു യുവതിയും ഇരുട്ടത്ത് നില്‍ക്കുന്നത് കണ്ടു . ചോദ്യം ചെയ്തപ്പോഴാണ് മയക്കു മരുന്നുമായി എത്തിയവരാണെന്ന് വ്യക്തമായത് .
