അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.തിരുവനന്തപുരം: തിരുവനന്തപുരം കോര്‍പ്പറേഷന്‍ കൗണ്‍സില്‍ ഹാളില്‍ നാടകീയ രംഗങ്ങള്‍. കൗണ്‍സില്‍ യോഗത്തിന് ബിജെപി കൗണ്‍സിലര്‍മാര്‍ ഹാളിൻ്റെ കവാടത്തിൽ കിടന്ന് പ്രതിഷേധിച്ചു. പ്രതിഷേധക്കാരെ മറികടന്ന് മേയര്‍ അടക്കമുള്ള ആളുകള്‍ ഹാളില്‍ പ്രവേശിച്ചു. കോര്‍പ്പറേഷനിലെ നികുതി തട്ടിപ്പുമായി ബന്ധപ്പെട്ടാണ് പ്രതിഷേധം.
കൗണ്‍സില്‍ യോഗം അവസാനിച്ച് സഭ പിരിഞ്ഞു. കഴിഞ്ഞ 23 ദിവസമായി കോര്‍പ്പറേഷനിലെ നികുതി തട്ടിപ്പുമായി ബന്ധപ്പെട്ട് പ്രതിഷേധസമരം നടത്തുകയാണ്. മേയര്‍ കടന്നുവരുന്ന വഴിയിലും പ്രതിഷേധക്കാര്‍ കിടന്നതോടെ ഇവരെ മറികടന്നാണ് ഡയസിലെത്തിയത്. തീര്‍ത്തും അപ്രതീക്ഷിതമായാണ് ബിജെപി കൗണ്‍സിലര്‍മാര്‍ കിടന്ന് പ്രതിഷേധസമരം സംഘടിപ്പിച്ചത്.
അതേസമയം, നികുതിതട്ടിപ്പിനെതിരെ കോണ്‍ഗ്രസ് കൗണ്‍സിലര്‍മാര്‍ സഭയ്ക്കകത്ത് പ്രതീകാത്മകസമരമാണ് സംഘടിപ്പിച്ചത്. പെട്ടന്ന് തന്നെ കൗണ്‍സില്‍ യോഗം അവസാനിപ്പിക്കയും ചെയ്തു. മഴക്കെടുതിയില്‍ മരിച്ചവര്‍ക്ക് ആദരാഞ്ജലികള്‍ അര്‍പ്പിച്ച ശേഷം പ്രതിപക്ഷ സമരത്തിനെതിരെ പ്രമേയം പാസാക്കിയ ശേഷം യോഗം പിരിയുകയായിരുന്നു.
