അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.കൊരട്ടി∙ ദേശീയപാതയിൽ കാറിനു പുറകിൽ ബൈക്ക് ഇടിച്ച് അപകടം. നിയന്ത്രണം വിട്ട കാർ ഡിവൈഡറിൽ ഇടിച്ച് തലകീഴായി മറിഞ്ഞു. പൊങ്ങം ജംക്ഷനു സമീപം ബുധൻ രാത്രി 11 നാണ് അപകടമുണ്ടായത്. ഗുരുവായൂരിലേക്ക് വരികയായിരുന്ന കോട്ടയം സ്വദേശി അഖിൽ (24) സഞ്ചരിച്ചിരുന്ന കാറിനു പുറകിലാണ് ബൈക്ക് ഇടിച്ചത്.
ഇതേത്തുടർന്ന് അഖിൽ വാഹനം നിർത്താൻ ശ്രമിക്കുന്നതിനിടെയാണ് നിയന്ത്രണം വിട്ടത്. ബൈക്കിൽ സഞ്ചരിച്ചിരുന്ന പൂലാനി സ്വദേശി അതുൽ (23), അങ്കമാലി സ്വദേശി ആഷിക്ക് (20), പൊങ്ങം സ്വദേശി വിവേക് (23) എന്നിവർക്കും പരുക്കേറ്റു. നാട്ടുകാരും പൊലീസും ചേർന്ന് നാലുപേരെയും സ്വകാര്യ ആശുപത്രിയിൽ പ്രവേശിപ്പിച്ചു. ആരുടെയും പരുക്ക് ഗുരുതരമല്ല എന്നതാണ് ഏക ആശ്വാസം
