അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.തൃശൂര്‍: മന്ത്രി ആര്‍ ബിന്ദുവിൻ്റെ വാഹനം കടന്നുപോകാന്‍ അനുവദിച്ചില്ലെന്ന് ആരോപിച്ച് മിനി ലോറി ഡ്രൈവറെ പോലീസ് അറസ്റ്റ് ചെയ്തു. കയ്പമംഗലം സ്വദേശി ആനന്ദഭവനത്തില്‍ സൂരജിനെയാണ് പോലീസ് അറസ്റ്റ് ചെയ്തത്.
ദേശീയപാതയില്‍ ചാലക്കുടി മുനിസിപ്പല്‍ ജംഗ്ഷൻ്റെ സര്‍വീസ് റോഡില്‍ വെച്ചായിരുന്നു സംഭവം. എറണാകുളത്ത് നിന്നും ഇരിങ്ങാലക്കുടയിലേക്ക് സര്‍വീസ് റോഡിലൂടെ പോയതായിരുന്നു മന്ത്രി. സിഗ്‌നല്‍ ജംഗ്ഷനില്‍ എത്തിയപ്പോള്‍ തുടരെ ഹോണ്‍ അടിച്ചിട്ടും മുന്നില്‍ കിടന്ന മിനിലോറി വഴി നല്‍കിയില്ല.
പുറത്തിറങ്ങിയ സൂരജ് തുടരെ ഹോണ്‍ മുഴക്കിയതിന് ക്ഷോഭിക്കുകയും ചെയ്തു. ഇതേത്തുടര്‍ന്നാണ് മന്ത്രിവാഹനം കടന്നുപോകാന്‍ അനുവദിക്കാത്തതിനും പ്രകോപനപരമായി സംസാരിച്ചതിനും പോലീസ് കേസെടുത്തത്. തുടര്‍ന്ന് ഇയാളെ പോലീസ് സ്‌റ്റേഷനില്‍ എത്തിച്ച് അറസ്റ്റ് രേഖപ്പെടുത്തി ജാമ്യത്തില്‍ വിട്ടു.
