അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.കോഴിക്കോട്: കോഴിക്കോട് വടകരയില്‍ രണ്ട് വയസുകാരന്‍ തോട്ടില്‍ വീണ് മരിച്ചു. വടകര കുന്നൂമ്മക്കര ഷംജാസിൻ്റെ മകന്‍ മുഹമ്മദ് റൈഹാന്‍ ആണ് തോട്ടില്‍ വീണ് മരിച്ചത്. കടയിലേക്ക് പോയ സഹോദരന് പിന്നാലെ പോയ കുട്ടി സമീപത്തെ തോട്ടില്‍ കാല്‍വഴുതി വീഴുകയായിരുന്നു.
അതേസമയം, കക്കയം വിനോദസഞ്ചാര കേന്ദ്രത്തിലേക്കുള്ള വഴിയുടെ ഒരു ഭാഗം മലവെള്ളപ്പാച്ചിലില്‍ ഒലിച്ചുപോയി. ഇവിടെ വലിയ കുഴി രൂപപ്പെട്ടു.സഞ്ചാരികള്‍ക്ക് വിലക്ക് ഏര്‍പ്പെടുത്തിയിട്ടുണ്ട്. ഇന്നലെ വൈകിട്ട് മലയോര മേഖലയിലടക്കം കനത്ത മഴ പെയ്തെങ്കിലും അര്‍ധരാത്രിയോടെ ശക്തികുറഞ്ഞു. രാവിലെ ഒറ്റപ്പെട്ടയിടങ്ങളില്‍ മാത്രമായി മഴ.
