അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ചെങ്ങന്നൂർ: പതിനാലുകാരി പെൺകുട്ടിയെ പറ്റിച്ച് പണം കൈക്കലാക്കിയ ഓട്ടോ ഡ്രൈവർ പിടിയിൽ. കിടങ്ങന്നൂർ പെരുംകുന്നിൽ സന്ദീപ് (35) യാണ് ചെങ്ങന്നൂർ പോലീസ് പിടി കൂടിയത്. തൻ്റെ വീട്ടിൽ ഓട്ടം വന്നിരുന്ന സന്ദീപിൻ്റെ കൈവശം 20000 രൂപയ്ക്ക് പണയം വയ്ക്കാൻ പെൺകുട്ടി സ്വർണ്ണാഭരണങ്ങൾ നൽകി. എന്നാൽ ഇയാൾ 60,000 രൂപക്ക് പണയം വെച്ച ശേഷം 20,000 രൂപ മാത്രമാണ് പെൺകുട്ടിക്ക് നൽകിയത്. ബാക്കി തുക കൈക്കലാക്കുകയായിരുന്നു.
സംഭവം വീട്ടുകാർ അറിഞ്ഞതിനെ തുടർന്ന് പെൺകുട്ടിയുമായി ചെങ്ങന്നൂർ സ്റ്റേഷനിലെത്തി പിതാവ് പരാതി നൽകി.തുടർന്ന് ചെങ്ങന്നൂർ എസ്ഐ എസ് നിതീഷിൻ്റെ നേതൃത്വത്തിലുള്ള പോലീസ് സംഘം കിടങ്ങന്നൂരിലെത്തി ഇയാളെ അറസ്റ്റു ചെയ്യുകയായിരുന്നു. പ്രതിയെ റിമാൻഡ് ചെയ്തു.
