അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.തൃശ്ശൂര്‍: ആന്ധ്രയില്‍ നിന്നും കാറില്‍ കൊച്ചിയിലേക്ക് കടത്താന്‍ ശ്രമിച്ച 100 കിലോ കഞ്ചാവ് പിടികൂടി. ദേശീയപാതയില്‍ നടത്തിയ പരിശോധനയിലാണ് കഞ്ചാവ് പിടികൂടിയത്. കൊച്ചിക്കാരായ മൂന്നു യുവാക്കളെ പോലീസ് അറസ്റ്റ് ചെയ്തു.
ഇതര സംസ്ഥാനത്ത് നിന്നും കേരളത്തിലേക്ക് വന്‍ തോതില്‍ കഞ്ചാവെത്തുന്ന വിവരത്തെത്തുടര്‍ന്നാണ് പരിശോധന നടത്തിയത്. തൃശ്ശൂര്‍ എസിപിയുടെ നേതൃത്വത്തില്‍ ചാലക്കുടി പോലീസുമായി ചേര്‍ന്നായിരുന്നു പരിശോധന.
ഇതിനിടെ സ്വിഫ്റ്റ് കാറില്‍ കഞ്ചാവുമായെത്തിയ സംഘം കുടുങ്ങുകയായിരുന്നു. പരിശോധനയില്‍ ഇവരുടെ കാറില്‍ നിന്നും ചെറിയ പൊതികളിലാക്കി ഒളിപ്പിച്ചുവച്ച കഞ്ചാവ് കണ്ടെടുത്തു. എറണാകുളത്ത് വിവിധ ഇടങ്ങളില്‍ വില്‍പ്പന നടത്താനായാണ് കഞ്ചാവ് എത്തിച്ചത്.
