അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ചെങ്ങന്നൂര്‍: ഗാന്ധിതന്നെ മാര്‍ഗ്ഗം എന്ന സന്ദേശമുയര്‍ത്തി കോണ്‍ഗ്രസ് ചെങ്ങന്നൂര്‍ സൗത്ത്‌നോര്‍ത്ത് മണ്ഡലം കമ്മിറ്റികളുടെ നേതൃത്വത്തില്‍ ഗാന്ധിസ്മൃതിയാത്ര സംഘടിപ്പിച്ചു. മുണ്ടന്‍കാവില്‍ നിന്നും ആരംഭിച്ച സ്മൃതിയാത്ര നഗരസഭാ ഓഫീസിന് മുന്‍വശത്തെ ഗാന്ധി പ്രതിമയ്ക്കു മുമ്പില്‍ സമാപിച്ചു. സ്മൃതിയാത്ര കോണ്‍ഗ്രസ് ബ്ലോക്ക് പ്രസിഡന്റ് അഡ്വ.ജോര്‍ജ് തോമസ് ഉദ്ഘാടനം ചെയ്തു.
നോര്‍ത്ത് മണ്ഡലം പ്രസിഡന്റ് ശശി എസ് പിള്ള അദ്ധ്യക്ഷത വഹിച്ചു. നഗരസഭാ വൈസ് ചെയര്‍മാന്‍ ഗോപു പുത്തന്‍മഠത്തില്‍, മഹിളാ കോണ്‍ഗ്രസ് സംസ്ഥാന സെക്രട്ടറി സുജാ ജോണ്‍, ഐഎന്റ്‌റിയുസി ജില്ലാ ജനറല്‍ സെക്രട്ടറി കെ.ദേവദാസ്, കൗണ്‍സിലര്‍മാരായ പി.ഡി.മോഹനന്‍, റിജോ ജോണ്‍ ജോര്‍ജ്, ഷേര്‍ലി രാജന്‍ എന്നിവര്‍ പ്രസംഗിച്ചു. സമാപന സമ്മേളനം ഡിസിസി അംഗം അഡ്വ.എന്‍.ആനന്ദന്‍ ഉദ്ഘാടനം ചെയ്തു.
സൗത്ത് മണ്ഡലം പ്രസിഡന്റ് ആര്‍.ബിജു അദ്ധ്യക്ഷത വഹിച്ചു. മുന്‍ നഗരസഭാ ചെയര്‍മാന്‍ കെ.ഷിബുരാജന്‍, സേവാദള്‍ ജില്ലാ ജനറല്‍ സെക്രട്ടറി സോമന്‍ പ്ലാപ്പള്ളി, യൂത്ത് കോണ്‍ഗ്രസ് സംസ്ഥാന കമ്മിറ്റിയംഗം വരുണ്‍ മട്ടയ്ക്കല്‍, മുന്‍ നഗരസഭാ വൈസ് ചെയര്‍പേഴ്‌സണ്‍ കുഞ്ഞൂഞ്ഞമ്മ പറമ്പത്തൂര്‍, കോണ്‍ഗ്രസ് ബ്ലോക്ക് സെക്രട്ടറി ജോണ്‍ ഫിലിപ്പ്, വര്‍ഗ്ഗീസ് തോമസ്, കെ.സി. ശ്രീധരന്‍ , സി.വി.സുരേഷ് കുമാര്‍ എന്നിവര്‍ പ്രസംഗിച്ചു. തുടര്‍ന്ന് ഗാന്ധി പ്രതിമയില്‍ പുഷ്പാര്‍ച്ചനയും നടത്തി.
