ജമ്മുകശ്മീരില്‍ മൂന്നിടത്ത് ഭീ​ക​രാക്രമണം; ഒ​രാ​ള്‍ കൊ​ല്ല​പ്പെ​ട്ടു

ന്യൂ​ഡ​ല്‍​ഹി: ജ​മ്മു​കാ​ഷ്മീ​രി​ല്‍ മൂ​ന്നു വ്യ​ത്യ​സ്ത ഭീ​ക​രാ​ക്ര​മ​ണ​ങ്ങ​ളി​ല്‍ ഒ​രാ​ള്‍ കൊ​ല്ല​പ്പെ​ട്ടു. ഒ​രാ​ള്‍​ക്ക് പ​രി​ക്കേ​റ്റു. സി​ആ​ര്‍​പി​എ​ഫ് ബ​ങ്ക​റി​നു നേ​ര്‍​ക്ക് ഭീ​ക​ര​ര്‍ ഗ്ര​നേ​ഡ് ആ​ക്ര​മ​ണം ന​ട​ത്തു​ക​യും ചെ​യ്തു.  
കേര നഗറില്‍ വൈകുന്നേരം അഞ്ചരയോടെ നടന്ന വെടിവയ്പ്പിലാണ് മജീദ് അഹമ്മദ് ഗോജ്രി എന്ന യുവാവ് കൊല്ലപ്പെട്ടത്. പ​രു​ക്കേ​റ്റ​ ഉ​ട​ന്‍ ആ​ശു​പ​ത്രി​യി​ലെ​ത്തി​ച്ചെ​ങ്കി​ലും ര​ക്ഷി​ക്കാ​നാ​യി​ല്ല.

വെടിവയ്പ്പില്‍ യുവാവ് കൊല്ലപ്പെട്ടതോടെ പ്രദേശത്ത് നിരീക്ഷണം കര്‍ശനമാക്കി. ശ്രീഗറിലെ വിവിധയിടങ്ങളില്‍ കൂടുതല്‍ സുരക്ഷാ ഉദ്യോഗസ്ഥരെ വിന്യസിച്ചിട്ടുണ്ട്.

രാ​ത്രി എ​ട്ടോ​ടെ ബ​ത്മാ​ലു​വി​ല്‍ ആ​ക്ര​മ​ണ​മു​ണ്ടാ​യി. മു​ഹ​മ്മ​ദ് ഷാ​ഫി ദ​ര്‍‌ എ​ന്ന​യാ​ള്‍​ക്ക് വെ​ടി​വ​യ്പി​ല്‍ പ​രി​ക്കേ​റ്റു. ഗു​രു​ത​ര പ​രി​ക്കേ​റ്റ ഇ​യാ​ളെ ആ​ശു​പ​ത്രി​യി​ല്‍ പ്ര​വേ​ശി​പ്പി​ച്ചു. ഭീ​ക​ര​ര്‍​ക്കാ​യു​ള്ള അ​ന്വേ​ഷ​ണം തു​ട​രു​ന്ന​താ​യി പോ​ലീ​സ് അ​റി​യി​ച്ചു.

അ​ന​ന്ത്നാ​ഗി​ലെ സി​ആ​ര്‍​പി​എ​ഫ് ബ​ങ്ക​റി​നു നേ​രെ​യാ​ണ് ഗ്ര​നേ​ഡ് ആ​ക്ര​മ​ണം ഉ​ണ്ടാ​യ​ത്. ശ​നി​യാ​ഴ്ച വൈ​കു​ന്നേ​രം 6.50 ന് ​തെ​ക്ക​ന്‍ കാ​ഷ്മി​ര്‍ ജി​ല്ല​യി​ലെ കെ​പി റോ​ഡി​ലാ​യി​രു​ന്നു സം​ഭ​വം. ഗ്ര​നേ​ഡ് ല​ക്ഷ്യം തെ​റ്റി ബ​ങ്ക​റി​നു സ​മീ​പ​മാ​ണ് വീ​ണ​ത്. ആര്‍ക്കും പരുക്കേറ്റതായി റിപ്പോര്‍ട്ടുകളില്ല.