അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.
പാലക്കാട്: പാലക്കാട് കപ്പൂർ പറക്കുളത്ത് നിന്നും കാണാതായ ആൺകുട്ടികളെ കണ്ടെത്തി. ആനക്കര ഹൈസ്‌കൂളിന് സമീപത്ത് അർദ്ധരാത്രി ഒരുമണിയോടെയാണ് നാല് കുട്ടികളെയും കണ്ടെത്തിയത്. ആനക്കര സെന്ററിൽ നിന്ന് ചേകനൂർ റോഡിലേക്ക് കുട്ടികൾ നടന്നു നീങ്ങുന്ന സിസിടിവി ദൃശ്യത്തിന്റെ അടിസ്ഥാനത്തിൽ നടത്തിയ തിരച്ചിലിന് ഒടുവിലാണ് കണ്ടെത്തിയത്.
ഇന്നലെ വൈകിട്ടോടെയാണ് കുട്ടികളെ കാണാതായത്. കളിക്കാന്‍ പോയ കുട്ടികള്‍ തിരിച്ചെത്താതെ വന്നതോടെ മാതാപിതാക്കള്‍ അന്വേഷണം നടത്തിയെങ്കിലും കണ്ടെത്താനായില്ല. തുടര്‍ന്നാണ് വിശദമായ പരിശോധന നടത്തുന്നതും കുട്ടികളെ കണ്ടെത്തുന്നതും. കുട്ടികള്‍ ഏത് സാഹചര്യത്തിലാണ് വീട് വിട്ടിറങ്ങിയതെന്ന് പൊലീസ് പരിശോധിച്ച് വരികയാണ്.
