യുവാവിനെ റോഡിലിട്ട് മർദ്ദിച്ചു; പരാതിപ്പെട്ടിട്ടും പൊലീസ് ഇടപെട്ടില്ല

കുളത്തൂപ്പുഴയിൽ യുവാവിനെ റോഡിലിട്ട് തല്ലിച്ചതച്ച സംഭവത്തിൽ പരാതി നൽകിയിട്ടും പൊലീസ് ഇടപെട്ടില്ലെന്ന് ആരോപണം. മർദ്ദനത്തിന് ഇരയായ സജികുമാർ ആണ് പരാതിയുമായി രംഗത്ത് വന്നിരിക്കുന്നത്.ഓഗസ്റ്റ് 22നാണ് സജി കുമാറിനെ റോഡിലിട്ട് പരസ്യമായി തല്ലിച്ചതച്ചത്. പ്രദേശവാസികളായ സഹോദരങ്ങൾ വിഷ്ണു, ജിഷ്ണു എന്നിവരാണ് സജി കുമാറിനെ മർദ്ദിച്ചത്.മുൻ വൈരാഗ്യത്തിന് പേരിലായിരുന്നു സജി കുമാറിന് നേരെയുള്ള ആക്രമണം.

 മർദ്ദനം ദൃശ്യങ്ങൾ അടക്കം പോലീസിനെ തെളിവായി നൽകിയിട്ടും പ്രതികളെ പിടികൂടിയില്ല എന്നാണ് സജികുമാർ പറയുന്നത്. അടിയേറ്റ് സജികുമാർ രണ്ടാഴ്ചയിലധികം ചികിത്സയിൽ കഴിഞ്ഞിട്ടും പോലീസ് തിരിഞ്ഞുനോക്കിയില്ല പ്രതികളെ പിടികൂടാത്ത  പോലീസ് നടപടിക്കെതിരെ സജികുമാർ റൂറൽ എസ് പിക്ക് പരാതി നൽകിയിരിക്കുകയാണ്.