കെ- റെയില്‍ പദ്ധതി സുതാര്യമല്ല; യുഡിഎഫ് എതിര്‍ക്കുമെന്ന് വി ഡി സതീശൻ

തി​രു​വ​ന​ന്ത​പു​രം: കെ-റെയിൽ പദ്ധതിയെ യുഡിഎഫ് എതിർക്കുമെന്ന് പ്രതിപക്ഷ നേതാവ് വി ഡി സതീശൻ. കെ റെയിൽ സിൽവർ ലൈൻ അശാത്രീയമാണെന്നാണ് യുഡിഎഫ് യോഗം വിലയിരുത്തൽ. പാരിസ്ഥിതിക ആഘാതപഠനം പോലും നടത്താതെയാണ് ഭൂമി ഏറ്റെടുക്കാൻ നീക്കം നടക്കുന്നതെന്ന് യുഡിഎഫ് ആരോപിച്ചു.

പദ്ധതി സുതാര്യമല്ല, ആനുപാതിക ഗുണം ലഭിക്കില്ല. അ​തി​വേ​ഗ പാ​ത കേ​ര​ള​ത്തെ ര​ണ്ടാ​യി വി​ഭ​ജി​ക്കും. വെ​ള്ള​പ്പൊ​ക്കം വ​ന്നാ​ൽ സി​ൽ​വ​ർ​ലൈ​ൻ പാ​ത അ​ണ​ക്കെ​ട്ടാ​യി മാ​റും. ചെ​ല​വും ഭൂ​മി ആ​വ​ശ്യം കു​റ​ഞ്ഞ​തു​മാ​യ ബ​ദ​ൽ പ​ദ്ധ​തി​യാ​ണ് ആ​വ​ശ്യം.

കേ​ന്ദ്രാ​നു​മ​തി നേ​ടാ​തെ എ​ങ്ങ​നെ ഭൂ​മി ഏ​റ്റെ​ടു​ക്കാ​ൻ സാ​ധി​ക്കു​മെ​ന്ന് പ്ര​തി​പ​ക്ഷ നേ​താ​വ് ചോ​ദി​ച്ചു. പ​ദ്ധ​തി​ക്കാ​യി സാ​മൂ​ഹി​ക ആ​ഘാ​ത പ​ഠ​നം ന​ട​ത്തി​യി​ല്ലെ​ന്നും സ​തീ​ശ​ൻ ആ​രോ​പി​ച്ചു.

അതേസമയം, അതിവേഗ റെയിലടക്കം വൻകിട പദ്ധതികൾക്ക് യു.ഡി.എഫ് എതിരല്ലെന്നും അദ്ദേഹം പറഞ്ഞു. പദ്ധതിക്കായുള്ള സ്ഥലമെടുപ്പ് നിയമം ലംഘിച്ചാണെന്ന് പറഞ്ഞ പ്രതിപക്ഷ നേതാവ് യുഡിഎഫ് ബദൽ നിർദേശം മുന്നോട്ട് വെയ്ക്കുമെന്നും വ്യക്തമാക്കി.

കോവിഡ് നഷ്ടപരിഹാരം 50,000 എന്നത് അപര്യാപ്തമാണ്. പ്രായം നോക്കി അഞ്ചു ലക്ഷം മുതൽ 10 ലക്ഷം രൂപവരെ നൽകണമെന്നും പ്രതിപക്ഷ നേതാവ് അഭിപ്രായപ്പെട്ടു. കേന്ദ്രവും സംസ്ഥാനവും ചേർന്ന് നഷ്ടപരിഹാര തുക നല്‍കണമെന്നും അദ്ദേഹം കൂട്ടിച്ചേര്‍ത്തു.

സാമുദായിക ഐക്യത്തിന് ചർച്ചകൾ തുടരും. സംഘർഷം നീണ്ടു പോകട്ടെയെന്ന് സർക്കാരും സി.പി.എമ്മും ആഗ്രഹിച്ചു. തെരഞ്ഞെടുപ്പ് കാലത്ത് ഇടതുമുന്നണി നടത്തിയ വിഭാഗീയ പ്രവർത്തനങ്ങളുടെ തുടർച്ചയാണ് ഇപ്പോഴത്തെ ഭിന്നിപ്പ്. സർവകക്ഷി യോഗം വിളിക്കില്ലെന്ന സർക്കാർ നിലപാട് എന്തുകൊണ്ടെന്നറിയില്ല. പ്രശ്ന പരിഹാരത്തിന് മുൻകൈ എടുക്കേണ്ടത് സർക്കാരാണെന്നും വി.ഡി സതീശന്‍ പറഞ്ഞു.

അതേസമയം തെരഞ്ഞെടുപ്പ് തോൽവിയും യുഡിഎഫ് യോഗം വിലയിരുത്തി. തെരഞ്ഞെടുപ്പിലെ തോൽവിക്ക് സംഘടനാ ദൗർലഭ്യവും കൊവിഡും തിരിച്ചടിയായെന്ന് യോഗം വിലയിരുത്തി.