ക​ന​യ്യകു​മാ​ർ സിപിഐയുടെ അടിയുറച്ച പോരാളി; കോ​ണ്‍​ഗ്ര​സി​ലേ​ക്ക് എ​ന്ന വാ​ർ​ത്ത​ വ്യാജം: കാ​നം

തി​രു​വ​ന​ന്ത​പു​രം: ക​ന​യ്യ​കു​മാ​ർ കോ​ണ്‍​ഗ്ര​സി​ൽ ചേ​രു​മെ​ന്ന വാ​ർ​ത്ത​ക​ൾ ത​ള്ളി സി​പി​ഐ സം​സ്ഥാ​ന സെ​ക്ര​ട്ട​റി കാ​നം രാ​ജേ​ന്ദ്ര​ൻ. രാഹുൽ ഗാന്ധിയുമായി അടുത്ത ദിവസം ചർച്ച നടത്തിയെന്ന കാരണമാണ് ഈ തെറ്റായ വാർത്തയ്ക്ക് അടിസ്ഥാനമായി പ്രചരിപ്പിക്കുന്നതെന്നു കാനം ഫേ​സ്ബു​ക്കി​ല്‍ കുറിച്ചു..

രാ​ഹു​ൽ ഗാ​ന്ധി​യു​മാ​യി ക​ന​യ്യ കൂ​ടി​ക്കാ​ഴ്ച ന​ട​ത്തു​ന്ന​ത് ആ​ദ്യ​മ​ല്ല. മു​ൻ​പും ഇ​ത്ത​രം രാ​ഷ്ട്രീ​യ ച​ർ​ച്ച​ക​ൾ ന​ട​ന്നി​ട്ടു​ണ്ട്. ഇ​ത്ത​രം അ​പ​വാ​ദ പ്ര​ച​ര​ണ​ങ്ങ​ൾ കൊ​ണ്ട് പാ​ർ​ട്ടി​യെ ത​ള​ർ​ത്താ​ൻ ക​ഴി​യി​ല്ല. ഗൂ​ഢ​ല​ക്ഷ്യ​ങ്ങ​ൾ വ​ച്ചാ​ണ് മാ​ധ്യ​മ​ങ്ങ​ൾ ഇ​ത്ത​രം വാ​ർ​ത്ത​ക​ൾ ന​ൽ​കു​ന്ന​തെ​ന്നും ഒ​ക്ടോ​ബ​റി​ൽ ന​ട​ക്കു​ന്ന ദേ​ശീ​യ കൗ​ണ്‍​സി​ൽ യോ​ഗ​ത്തി​ൽ ക​ന​യ്യ പ​ങ്കെ​ടു​ക്കു​മെ​ന്നും കാ​നം രാ​ജേ​ന്ദ്ര​ൻ വ്യ​ക്ത​മാ​ക്കി.

കഴിഞ്ഞ ദിവസങ്ങളിൽ ഡൽഹിയിൽ നടന്ന ദേശീയ എക്സിക്യൂട്ടീവ് യോഗത്തിൽ പങ്കെടുക്കുന്നതിന്റെയും ദേശീയ ആസ്ഥാനമായ അജോയ് ഭവനിൽ കനയ്യകുമാർ എത്തിച്ചേരുന്നതിന്റെയും ചിത്രങ്ങൾ സാമൂഹ്യമാധ്യമങ്ങളിൽ പങ്കുവച്ചത് ഇത്തരം വ്യാജ പ്രചാരണങ്ങൾ നടത്തുന്നവർ കണ്ടില്ലെന്ന് നടിക്കുകയാണ്. ജനങ്ങളെ ആവേശഭരിതരാക്കി കൊണ്ട് രാജ്യം നേരിടുന്ന ഫാസിസ്റ്റ് ഭീഷണികൾക്കെതിരെ നിരന്തരം പോരാടുന്ന കനയ്യകുമാർ സംഘപരിവാർ ശക്തികൾക്ക് ഭീഷണിയാണ്. കമ്മ്യൂണിസ്റ്റ് ആദർശങ്ങളിൽ അടിയുറച്ച് നിന്നുകൊണ്ട് പോരാടുന്ന യുവ നേതാവാണ് കനയ്യകുമാർ എന്നും കാനം പറഞ്ഞു.