അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.മസ്കത്ത്: ഏഴാം വാർഷികാഘോഷത്തിൻ്റെ നിറവിൽ ഒമാനിലെ ഏറ്റവും വലിയ ഹൈപ്പർമാർക്കറ്റ് ശൃംഖലകളിലൊന്നായ നെസ്റ്റോ. വാർഷികാഘോഷത്തിൻ്റെ ഭാഗമായി വമ്പൻ ഓഫറുകളാണ് ഉപഭോക്താക്കൾക്കായി നെസ്റ്റോ ഒരുക്കിയിരിക്കുന്നത്. ഏതു വിഭാഗത്തിൽ പർച്ചേസ് നടത്തിയാലും വമ്പിച്ച വിലക്കുറവോടെ ഇഷ്ടപെട്ട ഉൽപന്നങ്ങൾ സ്വന്തമാക്കാൻ സാധിക്കും.
അതിശയിപ്പിക്കുന്ന ഈ ഓഫർ ഇന്ന് മുതൽ ഒമാനിലുടനീളമുള്ള നെസ്റ്റോ ഹൈപ്പറുകളിൽ ലഭിക്കുന്നതാണ്. വെള്ളി, ശനി ദിവസങ്ങളിലും ഓഫർ തുടരും. പൊതുവായ ഈ ഓഫറിന് പുറമെ ഓരോ ഔട്ട് ലെറ്റുകളിലും വ്യത്യസ്തമായ മറ്റു നിരവധി ആകർഷകമായ ഓഫറുകളും ഉപഭോക്താക്കളെ കാത്തിരിക്കുന്നുണ്ട്.
മികച്ച ഗുണമേന്മയുള്ള ഉൽപന്നങ്ങൾ മിതമായ നിരക്കിൽ ഉപഭോക്താക്കൾക്ക് ലഭിക്കുന്നുണ്ടെന്ന് നെസ്റ്റോ എപ്പോഴും ഉറപ്പുവരുത്തുന്നതായി മാനേജ്മെൻറ് അറിയിച്ചു. തുടക്കം കുറിച്ച നാൾ മുതൽ മികച്ച ഓഫറുകൾ നൽകിവരുന്ന നെസ്റ്റോ വിശേഷാവസരങ്ങളിലും ആഘോഷവേളകളിലും വ്യത്യസ്തവും വേറിട്ടതുമായ ഓഫറുകൾ നൽകാറുണ്ട്.
ലോകത്തിൻ്റെ നാനാ ഭാഗങ്ങളിൽ നിന്നുമുള്ള പഴം, പച്ചക്കറി, മറ്റ് ഭക്ഷ്യവസ്തുക്കൾ, ഗ്രോസറി, കോസ്മെറ്റിക്സ്, മികച്ച ഇലക്ട്രോണിക്സ്, ഹോം അപ്ലയൻസസ്, ഹൗസ് ഹോൾഡ്, കിഡ്സ് വെയർ, മെൻസ് വെയർ, ലേഡീസ് വെയർ, ഫുട്വെയർ, ലഗ്ഗേജ്, സ്റ്റേഷനറി, സ്പോർട്സ് ഐറ്റംസ്, ടോയ്സ്, ഹോം & ഓഫിസ് ഫർണിച്ചർ തുടങ്ങിയ വിഭാഗങ്ങളിലെ വ്യത്യസ്തവും വിവിധ തരത്തിലുമുള്ള ഉൽപന്നങ്ങൾ നെസ്റ്റോ ഹൈപ്പർമാർക്കറ്റുകളിൽ ലഭ്യമാണ്. കോവിഡ് മഹാമാരിയുടെ പശ്ചാത്തലത്തിൽ ഉപഭോക്താക്കൾക്ക് സുരക്ഷിതത്വത്തോടെ ഷോപ്പിങ് നടത്തുന്നതിനുള്ള ക്രമീകരണങ്ങളും നൂതന സംവിധാനങ്ങളും ഓരോ ഔട്ട് ലെറ്റുകളിലും ഒരുക്കിയിട്ടുണ്ട്.
