അങ്കമാലിയില്‍ മക്കളെ കൊന്ന് ആത്മഹത്യക്ക് ശ്രമിച്ച യു​വ​തി​യും മരിച്ചു

അ​ങ്ക​മാ​ലി: തു​റ​വൂ​ർ പെ​രി​ങ്ങാം​പ​റ​മ്പി​ൽ ര​ണ്ടു മ​ക്ക​ളെ തീ​കൊ​ളു​ത്തി കൊ​ല​പ്പെ​ടു​ത്തി​യ ശേ​ഷം ആ​ത്മ​ഹ​ത്യ​ക്ക് ശ്ര​മി​ച്ച യു​വ​തി​യും മ​രി​ച്ചു. പെ​രി​ങ്ങാം​പ​റ​മ്പി​ൽ ഏ​ലം​ന്തു​രു​ത്തി വീ​ട്ടി​ൽ അ​നൂ​പി​ന്‍റെ ഭാ​ര്യ അ​ഞ്ജു​വാ​ണ് (29) മ​രി​ച്ച​ത്. മ​ക്ക​ളാ​യ ആ​തി​ര (ഏ​ഴ്), അ​രൂ​ഷ് (മൂ​ന്ന്) എ​ന്നി​വ​ർ നേ​ര​ത്തേ മ​രി​ച്ചി​രു​ന്നു.

ഉച്ചയ്ക്ക് 2.30 ഓടെയായിരുന്നു ദാരുണമായ സംഭവം. അഞ്ജുവിന്റെ ഭര്‍തൃമാതാവ് അയല്‍പക്കത്തെ വീട്ടില്‍ സംസാരിച്ചിരിക്കുകയായിരുന്നു. തിരികെ വീട്ടിലെത്തിയപ്പോള്‍ ഇവരെ കാണാതാവുകയും വീടിനുള്ളില്‍ നിന്ന് മണ്ണെണ്ണയുടെ രൂക്ഷ ഗന്ധം ഉണ്ടാവുകയുമായിരുന്നു. തുടര്‍ന്ന് നടത്തിയ പരിശോധനയിലാണ് മൂവരേയും മുറിക്കുള്ളില്‍ നിന്നും കണ്ടെത്തിയത്. സമീപവാസികളെത്തി മൂവരേയും അങ്കമാലിയിലെ ആശുപത്രിയിലേക്ക് കൊണ്ടുപോയെങ്കിലും മക്കള്‍ രണ്ടു പേരും അപ്പോഴേക്കും മരിച്ചിരുന്നു. 

ഗു​രു​ത​ര​മാ​യി പൊ​ള്ള​ലേ​റ്റ അ​ഞ്ജു​വി​നെ വി​ദ​ഗ്ധ ചി​കി​ത്സ​യ്ക്കാ​യി തൃ​ശൂ​ർ മെ​ഡി​ക്ക​ൽ കോ​ള​ജി​ലേ​ക്ക് മാ​റ്റി​യെ​ങ്കി​ലും വൈ​കു​ന്നേ​ര​ത്തോ​ടെ മ​ര​ണം സം​ഭ​വി​ച്ചു. യു​വ​തി​യു​ടെ ഭ​ർ​ത്താ​വ് അ​നൂ​പ് ഒ​ന്ന​ര​മാ​സം മു​ൻ​പാ​ണ് ഹൃ​ദ​യാ​ഘാ​തം മൂ​ലം മ​രി​ച്ച​ത്. ഈ ​സം​ഭ​വ​ത്തി​ന് ശേ​ഷം മാ​ന​സി​ക വി​ഷ​മ​ത്തി​ലാ​യി​രു​ന്നു യു​വ​തി​യെ​ന്ന് അ​യ​ൽ​ക്കാ​ർ പ​റ​യു​ന്നു. ഇ​തേ​തു​ട​ർ​ന്നാ​ണ് സം​ഭ​വ​മെ​ന്ന് ക​രു​തു​ന്നു.

സംഭവത്തില്‍ പോലീസ് അന്വേഷണം നടത്തിവരികയാണ്.