യു​എ​ഇ​യി​ൽ വാ​ഹ​നാ​പ​ക​ട​ത്തി​ൽ ര​ണ്ടു പ്രവാസി മ​ല​യാ​ളി​ക​ൾ മ​രി​ച്ചു

അ​ബു​ദാ​ബി:യു​എ​ഇ​യി​ൽ വാ​ഹ​നാ​പ​ക​ട​ത്തി​ൽ ര​ണ്ടു പ്രവാസി മ​ല​യാ​ളി​ക​ൾ മ​രി​ച്ചു. കോ​ഴി​ക്കോ​ട് ത​ട്ടോ​ലി​ക്ക​ര സ്വ​ദേ​ശി ശി​വ​ദാ​സ് (47), കോ​ഴി​ക്കോ​ട് പു​തി​യ​ങ്ങാ​ടി സ്വ​ദേ​ശി ഫി​റോ​സ് (45) എ​ന്നി​വ​രാ​ണ് മ​രി​ച്ച​ത്.റാ​സ​ൽ​ഖൈ​മ​യി​ലെ റാ​ക് 611 ബൈ​പ്പാ​സി​ൽ ഇ​വ​ർ സ​ഞ്ച​രി​ച്ചി​രു​ന്ന വാ​ൻ ട്രെ​യി​ല​റി​ന്‍റെ പി​ന്നി​ലി​ടി​ച്ചാ​യി​രു​ന്നു അ​പ​ക​ടം. 

ഫിറോസാണ് വാഹനമോടിച്ചിരുന്നത്. ഇരുവരും സംഭവസ്ഥലത്തുതന്നെ മരിച്ചു. ദിബ്ബ മോഡേൺ ബേക്കറിയിലെ ജീവനക്കാരാണ് ഇവർ. ബേക്കറിയുടെ ആസ്ഥാനം റാസൽഖൈമയിലാണ്. അവിടെനിന്ന് സാധനങ്ങളുമായി ഷാർജയിലേക്ക് മടങ്ങുമ്പോഴായിരുന്നു അപകടം. ഫിറോസ് ഡ്രൈവറായും ശിവദാസ് ബേക്കറിയിൽ ഷെഫായും ജോലി ചെയ്യുകയാണ്.

ആറുമാസമായി ശിവദാസും എട്ടുമാസമായി ഫിറോസും ബേക്കറിയിൽ ജോലിയിലുണ്ട്. ശിവദാസിന്റെ ഭാര്യ കോമളവല്ലി (രാജി). മക്കൾ: ഗോപിക, കീർത്തന. മാധവന്റെയും വിമലയുടേയും മകനാണ്. സഹോദരൻ: സജീവൻ. ഇമ്പിച്ചമ്മു പള്ളിക്കണ്ടിയുടെയും സൈനബിയുടെയും മകനാണ് ഫിറോസ്. ഭാര്യ: സറീന. നടപടികൾ പൂർത്തിയാക്കി മൃതദേഹങ്ങൾ നാട്ടിലേക്ക് കൊണ്ടുപോകും.