അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.
കഴക്കൂട്ടം: തിരുവനന്തപുരത്ത് ഭർത്താവ് ഭാര്യയെ നടുറോഡിൽ വെട്ടി കൊലപ്പെടുത്തി. തിരുവനന്തപുരം ചെങ്കോട്ടുകോണം ശാസ്തവട്ടത്താണ് സംഭവം. പോത്തൻകോട് സ്വദേശി ഷീബയെയാണ് ഭർത്താവ് സുരേഷ് കൊലപ്പെടുത്തിയത്.
വീട്ടു ജോലി കഴിഞ്ഞു മടങ്ങി വരവേ ഷീബയെ ഭർത്താവ് സുരേഷ് ആക്രമിക്കുകയായിരുന്നു. മാരകമായി പരിക്കേറ്റ ഇവരെ ആശുപത്രിയിലേക്ക് കൊണ്ടുപോകുന്ന വഴിയാണ് മരണം സംഭവിച്ചത്.
സംഭവത്തിൽ സുരേഷിനെ പോത്തൻകോട് പോലീസ് കസ്റ്റഡിയിലെടുത്തു. കുടുംബ പ്രശ്നമാണ് കൊലപാതകത്തിലേക്ക് നയിച്ചതെന്നാണ് പ്രാഥമിക നിഗമനം.
