അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.മുംബൈ: സാമ്പത്തിക പ്രതിസന്ധി പരിഹരിക്കാൻ എയർടെൽ നിരക്കുകൾ വർദ്ധിപ്പിച്ചേക്കും. എയർടെൽ സ്ഥാപകനും, ചെയർമാനുമായ സുനിൽ മിത്തലാണ് ഇക്കാര്യം അറിയിച്ചത്.ഓഹരി വിൽപ്പനയിലൂടെ 21,000 കോടി സമാഹരിക്കാനുള്ള പദ്ധതിയും രാജ്യത്തെ ടെലികോം രംഗത്തെ വൻകിട കമ്പനിയായ എയർടെൽ പ്രഖ്യാപിച്ചു. എയർടെല്ലിൻറെ കട ബാധ്യത സങ്കൽപ്പിക്കാൻ പറ്റുന്നതിനപ്പുറമാണെന്ന് അമിത്തൽ പറഞ്ഞു. മാർച്ച് 31ലെ കണക്ക് അനുസരിച്ച് ടെലികോം മന്ത്രാലയത്തിന് എയർടെൽ അടക്കാനുള്ള എജിആർ തുക 18,004 കോടിയാണ്.
എയർടെൽ ചെയർമാന്റെ പ്രഖ്യാപനം വന്നതിന് പിന്നാലെ ബോംബെ സ്റ്റോക്ക് എക്സേഞ്ചിൽ എയർടെൽ ഓഹരികൾ അഞ്ച് ശതമാനം ഇടിവുണ്ടായി. ഇപ്പോൾ നൂറു രൂപ വരുമാനം കിട്ടിയാൽ 35 ശതമാനം വിവിധ നികുതികളും ഫീസുകളുമായി സർക്കാറിലേക്ക് പോകുന്നതായും സുനിൽ മിത്തൽ പറഞ്ഞു.
