അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.തൃശൂർ: കൊടകര പേരാമ്പ്രയിൽ ദേശീയപാതയിലൂടെ കാറില്‍ കടത്തുകയായിരുന്ന 140 കിലോ കഞ്ചാവ് പോലിസ് പിടികൂടി. സംഭവത്തിൽ ആലുവ സ്വദേശികളായ രണ്ടു യുവാക്കളെ അറസ്റ്റു ചെയ്തു. ആലുവ ചുണങ്ങംവേലി സ്വദേശി വടക്കേലന്‍ വീട്ടില്‍ ടോംജിത്ത് (25), ആലുവ കൂട്ടേടത്ത് വീട്ടില്‍ വിന്‍സന്റ് (30) എന്നിവരാണ് അറസ്റ്റിലായത്.
കഞ്ചാവുമായി ഇവര്‍ സഞ്ചരിച്ച ബ്രീസ കാറും കസ്റ്റഡിയിലെടുത്തിട്ടുണ്ട്. കാറിന്‍റെ ഡിക്കിയിലാണ് കഞ്ചാവുപൊതികള്‍ സൂക്ഷിച്ചിരുന്നത്. ആന്ധയില്‍ നിന്ന് എറണാകുളത്തേക്ക് കൊണ്ടുപോകുകയായിരുന്നു കഞ്ചാവ് പൊതികള്‍ എന്ന് പോലീസ് അറിയിച്ചു.
പേരാമ്പ്ര അപ്പോളോ ജംഗ്ഷനില്‍ വെള്ളിയാഴ്ച രാവിലെ 11 ഓടെയാണ് കൊടകര പോലിസ് കഞ്ചാവുകടത്ത് പിടികൂടിയത്.
