അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ഇടുക്കി: ബൈസൺവാലി ഇരുപതേക്കറിൽ പ്രായപൂർത്തിയാകാത്ത പെൺകുട്ടിയെ പീഡിപ്പിക്കാൻ ശ്രമിച്ച പ്രതി പിടിയിൽ. ബൈസൺവാലി മുത്തൻമുടി സ്വദേശി നാൽപത്തിയേഴുകാരനായ തങ്കരാജിനെയാണ് പൊലീസ് അറസ്റ്റ് ചെയ്തത്. സ്വാതന്ത്ര്യദിന ദിവസമാണ് പെൺകുട്ടിയുടെ വീട്ടിൽ അതിക്രമിച്ച് കയറി പ്രതി പീഡിപ്പിക്കാൻ ശ്രമിച്ചത്.
ഉപദ്രവിക്കാൻ ശ്രമിച്ച തങ്കരാജിന്റെ കൈയിൽ കടിച്ചതിനുശേഷം പതിമൂന്നുകാരി ഓടി അയൽവീട്ടിൽ അഭയം തേടുകയായിരുന്നു. പെൺകുട്ടിയുടെ മാതാപിതാക്കൾ രാജാക്കാട് പൊലീസിൽ പരാതി നൽകിയിരുന്നു.
കേസെടുത്തതോടെ തമിഴ്നാട്ടിലേക്ക് കടന്ന പ്രതിയെ പോലീസ് പിടികൂടുകയായിരുന്നു. തങ്കരാജിനെ കോടതിയിൽ ഹാജരാക്കി റിമാൻഡ് ചെയ്തു.
