തിരുവനന്തപുരത്ത് യുവതിയെ അയൽവാസിയായ യുവാവ് കല്ലുകൊണ്ട് തലക്കടിച്ച് കൊന്നു

തിരുവനന്തപുരം: തിരുവല്ലത്ത് യുവതിയെ അയൽവാസിയായ യുവാവ് തലക്കടിച്ച് കൊന്നു. തിരുവല്ലം നിരപ്പിൽ സ്വദേശി രാജി (40) ആണ് കൊല്ലപ്പെട്ടത്. ഇവരുടെ അയൽവാസിയായ ഗിരീഷിനെ തിരുവല്ലം പൊലീസ് കസ്റ്റഡിയിലെടുത്തു. 

ശനിയാഴ്ച പുലർച്ചെയാണ് സംഭവം. കല്ലുകൊണ്ട് തലക്കടിച്ച് കൊലപ്പെടുത്തുകയായിരുന്നു. അയൽവാസികൾ തമ്മിൽ നേരത്തെ തർക്കമുണ്ടായിരുന്നു. ഇതിന്റെ തുടർച്ചയായുള്ള പ്രശ്നങ്ങളാണ് കൊലപാതകത്തിലേക്ക് നയിച്ചതെന്നാണ് പൊലീസിൻെറ പ്രാഥമിക നിഗമനം. രാജിയുടെ മൃതദേഹം മെഡിക്കൽ കോളേജ് മോർച്ചറിയിലേക്ക് മാറ്റി.