അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.
എറണാകുളം: കൊച്ചിയില്‍ ഒരു കോടി രൂപയുടെ മയക്കുമരുന്നുമായി അഞ്ച് പേര്‍ പിടിയിലായി. കസ്റ്റംസ് പ്രിവന്‍റീവ്, എക്സൈസ് എൻഫോഴ്‌സ്‌മെന്റ് സ്‌ക്വാഡ് എന്നിവരുടെ സംയുക്ത പരിശോധനയിലാണ് സംഘം അറസ്റ്റിലായത്.
ഇന്നലെ വൈകിട്ടോടെയാണ് കാക്കനാട്ടെ സ്വാകാര്യ ടൂറിസ്റ്റ് ഹോമിൽ നിന്ന് ഒരു കിലോയോളം എം.ഡി.എ.എയുമായി സംഘം പിടിയിലാകുന്നത്. കോഴിക്കോട് സ്വദേശി ശ്രീമോൻ ആണ് സംഘത്തിന്‍റെ തലവൻ. ഫാവാസ്, ഫാവാസിന്‍റെ ഭാര്യ ഷബ്ന, കാസർകോട്ട് സ്വദേശി അജ്മൽ, അഫസൽ എന്നിവരടക്കമുള്ളവരുടെയും അറസ്റ്റ് രേഖപ്പെടുത്തി.
