അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.ന്യൂഡല്ഹി: ലിംഗ വിവേചനത്തിനെതിരെ ചരിത്ര ഉത്തരവുമായി സുപ്രീം കോടതി. നാഷണല് ഡിഫന്സ് അക്കാദമി (എന്ഡിഎ) പരീക്ഷ സ്ത്രീകള്ക്കും എഴുതാമെന്ന് സുപ്രീം കോടതി ഇടക്കാല ഉത്തരവിറക്കി. എന്ഡിഎ പരീക്ഷയില്നിന്നു സ്ത്രീകളെ മാറ്റിനിര്ത്തുന്നതു ലിംഗ വിവേചനമാണെന്നു വിലയിരുത്തിയാണ്, ജസ്റ്റിസ് എസ്കെ കൗളിന്റെ നേതൃത്വത്തിലുള്ള ബെഞ്ചിന്റെ ഉത്തരവ്.
സായുധസേനയില് സത്രീകള്ക്കും പരുഷന്മാര്ക്കും തുല്യാവസരമില്ലാത്തതിനെ മാനസികാവസ്ഥയുടെ പ്രശ്നമെന്നു കോടതി കുറ്റപ്പെടുത്തി. ജുഡീഷ്യറിയില് നിന്ന് നിര്ദേശം ലഭിച്ച് മാറാന് നിര്ബന്ധിതരാകുന്നതിനുപകരം സൈന്യം തന്നെ മുന്കൈ എടുത്ത് മാറ്റങ്ങള് വരുത്തണമെന്നും കോടതി പറഞ്ഞു. ഇടക്കാല ഉത്തരവ് കണക്കിലെടുത്ത് ഇക്കാര്യത്തില് ക്രിയാത്മകമായ കാഴ്ചപ്പാട് സ്വീകരിക്കണമെന്ന് കോടതി പറഞ്ഞു.
സെപ്തംബര് അഞ്ചിനാണ് ഈ വര്ഷത്തെ പരീക്ഷ നിശ്ചയിച്ചിട്ടുള്ളത്. ഈ പരീക്ഷ സ്ത്രീകള്ക്കും എഴുതാമെന്നും പ്രവേശനം കോടതിയുടെ അന്തിമ ഉത്തരവിനു വിധേയമായിരിക്കുമെന്നും കോടതി പറഞ്ഞു.
