അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.
മസ്‌കത്ത്: ഒമാനില്‍ 552 പേര്‍ക്ക് കൂടി കോവിഡ് സ്ഥിരീകരിച്ചു. അവധി ദിനങ്ങളായ വെള്ളി, ശനി ദിവസങ്ങളിലെ വിവരങ്ങള്‍ കൂടി ഉള്‍പ്പെടുത്തിയാണ് ഇന്നത്തെ കണക്കുകള്‍ ആരോഗ്യ മന്ത്രാലയം പുറത്തുവിട്ടത്. മൂന്ന് ദിവസത്തിനുള്ളില്‍ 19 പേരാണ് രോഗം ബാധിച്ച് മരിച്ചത്.
അതേസമയം, രാജ്യത്ത് വ്യാഴാഴ്ച 227 പേര്‍ക്കും വെള്ളിയാഴ്ച 162 പേര്‍ക്കും ശനിയാഴ്ച 163 പേര്‍ക്കുമാണ് കോവിഡ് സ്ഥിരീകരിച്ചത്. വ്യാഴം, വെള്ളി ദിവസങ്ങളില്‍ അഞ്ച് വീതവും ശനിയാഴ്ച ഒന്‍പതും കൊവിഡ് മരണങ്ങള്‍ റിപ്പോര്‍ട്ട് ചെയ്യപ്പെട്ടു. ഇതോടെ ആകെ മരണം 3993 ആയി. രാജ്യത്തെ രോഗമുക്തി നിരക്ക് 96.1 ശതമാനമാണ്. ഇതുവരെ 3,00,194 പേര്‍ക്ക് ഒമാനില്‍ വൈറസ്ബാധ സ്ഥിരീകരിച്ചത്. ഇവരില്‍ 2,88,389 പേരും ഇതിനോടകം രോഗമുക്തി നേടി.24 മണിക്കൂറിനുള്ളില്‍ 34 പേരെ രാജ്യത്തെ വിവിധ ആശുപത്രികളില്‍ പ്രവേശിപ്പിച്ചു. ഇവര്‍ ഉള്‍പ്പെടെ 256 പേരാണ് ഇപ്പോള്‍ ആശുപത്രികളില്‍ ചികിത്സയിലുള്ളത്. ഇവരില്‍ 116 പേര്‍ തീവ്രപരിചരണ വിഭാഗങ്ങളിലാണ്.
