അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ചങ്ങനാശ്ശേരി:ഓട്ടോറിക്ഷയിൽ മയക്കുമരുന്ന് ഗുളികയുമായി യുവാക്കൾ പിടിയിൽ . ചങ്ങനാശ്ശേരി മന്ദിരം കവലയിൽ കോട്ടയം എക്‌സൈസ് നാർക്കോട്ടിക് സ്‌പെഷൽ സ്‌ക്വാഡ് ആണ് പിടികൂടിയത് . ഏറ്റുമാനൂർ തെള്ളകം സ്വദേശി കാട്ടുക്കുന്നേൽ രഞ്ചു ചാക്കോ (31), പെരുമ്പായിക്കാട് സ്വദേശി ചിറ്റിനിക്കാലായിൽ ലിജുമോൻ ജോസഫ് (33) എന്നിവരാണ് അറസ്റ്റിലായത്.
മാനസിക രോഗികൾക്ക് വിതരണം ചെയ്യുന്ന മാരകശേഷിയുള്ള നൈട്രാസെപാം 100 ഗുളികകളാണ് പിടികൂടിയത്. ഇവർ മയക്കുമരുന്ന് കടത്തിക്കൊണ്ടുവരാൻ ഉപയോഗിച്ച ഓട്ടോറിക്ഷയും കസ്റ്റഡിയിൽ എടുത്തു. ആറ് രൂപ വിലയുള്ള ഗുളിക സ്‌കൂൾ, കോളജ് കുട്ടികൾക്ക് 100 രൂപക്കാണ് വിൽപന നടത്തുന്നത്.
