അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.തൃശൂര്‍: പ്രായപൂര്‍ത്തിയാകാത്ത സീരിയല്‍ താരത്തെ ഫേസ്ബുക്കിലൂടെ അപകീര്‍ത്തിപ്പെടുത്തിയ കേസില്‍ പ്രതിയെ ഇരിങ്ങാലക്കുട സൈബര്‍ പൊലീസ് അറസ്റ്റ് ചെയ്തു.കൊല്ലം ജില്ലയിലെ കണ്ണനെല്ലൂര്‍ സ്വദേശി അലി മന്‍സിലില്‍ അല്‍ അമീനാണ് (23) പോക്‌സോ നിയമപ്രകാരം സൈബര്‍ പൊലീസിെൻറ പിടിയിലായത്.
ബാലതാരത്തിന്റെ ഫോട്ടോയും പേരും ഉപയോഗിച്ച് വ്യാജ ഫേസ്ബുക്ക് അക്കൗണ്ട് നിർമിച്ച് അല്‍ അമീന്‍ 2019 മുതല്‍ അശ്ലീല ട്രോളുകള് പ്രചരിപ്പിച്ചുകൊണ്ടിരുന്നു. വിഷയം ശ്രദ്ധയിൽപെട്ട സംസ്ഥാന ബാലാവകാശ കമീഷന്‍ തിരുവനന്തപുരം സൈബര്‍ പൊലീസിനോട് കേസെടുക്കാന്‍ നിർദേശിക്കുകയായിരുന്നു.
ഫേസ്ബുക്കില്‍ നിന്നും ഇന്റര്‍നെറ്റ് സേവനദാതാക്കളില്‍ നിന്നും വിവരങ്ങള്‍ ശേഖരിച്ചാണ് പ്രതിയെ പിടികൂടിയത്. പൊലീസ് പിടികൂടാതിരിക്കാനായി മറ്റൊരാളുടെ വിലാസത്തിലുള്ള മൊബൈല്‍ നമ്പറാണ് ഇയാള്‍ ഇന്റെര്‍നെറ്റിനായി ഉപയോഗിച്ചിരുന്നത്. അതുകൊണ്ടു തന്നെ പ്രതിയെ തിരിച്ചറിയാനും വൈകി. ഇയാള്‍ ഉപയോഗിച്ചിരുന്ന വ്യാജ ഫേസ്ബുക്ക് പേജ് പരിശോധിച്ചതില്‍ നിന്നും മറ്റ് ധാരാളം വ്യാജ പ്രൊഫൈലുകളില്‍ നിന്നും പേജില്‍ ലൈക്കും കമന്റും രേഖപ്പെടുത്തിയതായി കണ്ടെത്തിയിട്ടുണ്ട്.
