അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.
ന്യൂഡല്ഹി: ഒ.ബി.സി പട്ടിക തയ്യാറാക്കുന്നതിന് സംസ്ഥാനങ്ങളുടെ അവകാശം പുനഃസ്ഥാപിക്കുന്നതിനുള്ള ബില് രാജ്യസഭയിലും പാസാക്കി. 187 പേര് ബില്ലിനെ അനുകൂലിച്ചു, ബില്ലിനെ ആരും എതിര്ത്തില്ല. ഇന്നലെ ലോക്സഭയും ബില്ല് പാസാക്കിയിരുന്നു. ഒ.ബി.സി പട്ടിക നിശ്ചയിക്കുന്നതിനുള്ള അധികാരം ഇതോടെ സംസ്ഥാനങ്ങള്ക്ക് തിരിച്ചുകിട്ടുകയാണ്.
കഴിഞ്ഞദിവസം ലോക്സഭ ഒബിസി ബില് പാസാക്കിയിരുന്നു. എതിര്പ്പില്ലാതെയാണ് ലോക്സഭയിലും ബില് പാസായത്. കോണ്ഗ്രസ് ഉള്പ്പടെയുള്ള പ്രതിപക്ഷ പാര്ട്ടികളും ബില്ലിനെ പിന്തുണച്ചിരുന്നു. ഒബിസി പട്ടിക നിശ്ചയിക്കുന്നതിനുള്ള അധികാരം ഇതോടെ സംസ്ഥാനങ്ങള്ക്ക് തിരിച്ചുകിട്ടുകയാണ്.
ഭരണഘടനയിലെ മൂന്ന് അനുച്ചേദങ്ങളിലാണ് 127 -ാം ഭേദഗതിയിലൂടെ മാറ്റങ്ങള് കൊണ്ടുവരുന്നത്. മറാത്ത സംവരണ കേസിലെ സുപ്രീംകോടതി വിധി മറികടക്കാന് വ്യവസ്ഥകളും ബില്ലിലുണ്ട്.
അതേസമയം, ഇന്ഷ്വറന്സ് മേഖലയില് കൂടുതല് സ്വകാര്യവത്കരണം അനുവദിക്കുന്ന ബില്ലിനെ പ്രതിപക്ഷം ശക്തമായി എതിര്ത്തു.
