അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ദുബൈ: ഇന്ത്യയിൽ നിന്ന് കോവിഷീൽഡ് വാക്സിനെടുത്തവർക്ക് ദുബായിയിലേക്ക് മടങ്ങാമെന്ന് ഫ്ലൈ ദുബൈയും ഇൻഡിഗോ എയർലൈനും ട്രാവൽ ഏജൻസികളെ അറിയിച്ചു. രണ്ടാം ഡോസ് എടുത്ത് 14 ദിവസം പിന്നിട്ടിരിക്കണം. എയർ വിസ്താര വഴിയും മടങ്ങാം.
ദുബൈ വിസക്കാർ ജിഡിആർഎഫ്എയുടെ അനുമതി നേടിയിരിക്കണം. നിലവിൽ ദുബൈ വിസക്കാർക്ക് മാത്രമെ ദുബൈയിലെ വിമാനത്താവളങ്ങളിൽ അനുമതി നൽകുന്നുള്ളു.
അതേസമയം, വാക്സിൻ എടുക്കാത്തവർക്കും ദുബൈയിലേക്ക് മടങ്ങാമെന്ന് ഇന്ത്യൻ വിമാനകമ്പനിയായ എയർ വിസ്താര അറിയിച്ചു. ട്രാവൽ ഏജൻസികൾക്ക് അയച്ച സർക്കുലറിലാണ് ഇക്കാര്യം വ്യക്തമാക്കുന്നത്. എയർ വിസ്താര കേരളത്തിൽ നിന്ന് സർവീസ് നടത്തുന്നില്ല. മുംബൈ, ഡൽഹി വിമാനത്താവളത്തിൽ നിന്ന് ദുബായിലേക്ക് മടങ്ങാം.
