ച​​ന്ദ്രികയിലെ പ്രശ്​നങ്ങൾ തീർക്കാൻ മു​ഈ​ന​ലി ത​ങ്ങ​ൾക്ക് ചുമതല നൽകിയത് ഹൈദരലി തങ്ങൾ; കത്ത് പുറത്ത്

കോഴിക്കോട്​: ച​​ന്ദ്രികയിലെ പ്രശ്​നങ്ങൾ തീർക്കാനുള്ള ചുമതല ഹൈ​ദ​ര​ലി ശിഹാബ് ത​ങ്ങ​ളു​ടെ മ​ക​നും മുസ്​ലിം യൂ​ത്ത്​​ ലീ​ഗ്​ ദേ​ശീ​യ വൈ​സ്​ പ്ര​സി​ഡ​ന്‍റു​മാ​യ പാ​ണ​ക്കാ​ട്​ മു​ഈ​ന​ലി ശി​ഹാ​ബ്​ ത​ങ്ങ​ൾക്ക് നൽകിയുള്ള ഹൈദരലി തങ്ങളുടെ കത്ത്​ പുറത്ത് വന്നു​. 2021 മാർച്ച്​ അഞ്ചിനാണ്​ ഹൈദരലി തങ്ങൾ സ്വന്തം കൈപ്പടയിൽ മുഈനലിക്ക്​ കത്തെഴുതി നൽകിയത്​. 

ചന്ദ്രികയിലെ ഫിനാൻസ്​ മാനേജർ സമീറടക്കമുള്ളവരുമായി സംസാരിച്ച്​ പ്രശ്​നങ്ങൾ തീർക്കണമെന്നും കത്തിലുണ്ട്​. ചന്ദ്രികയിലെ പ്രശ്​നങ്ങൾ തീർക്കാൻ മുഈനലിക്ക്​ പിതാവ്​ ചുമതല നൽകിയതോടെയാണ്​ ഇവിടത്തെ പ്രശ്​നങ്ങൾ അദ്ദേഹം മനസ്സിലാക്കിയതെന്നാണ്​ വിവരം​. ഇതിന്റെ അടിസ്ഥാനത്തിൽ കൂടിയാണ് ഇന്നലെ നടന്ന പരാമർശങ്ങൾ എന്നാണ് മനസിലാക്കാവുന്നത്. 

ഹൈ​ദ​ര​ലി ശിഹാബ് ത​ങ്ങ​ളെ എ​ൻ​ഫോ​ഴ്​​സ്​​മെന്‍റ്​ ഡ​യ​റ​ക്​​ട​റേ​റ്റി​നു മു​ന്നി​ൽ വ​രു​ത്തി​യ​തി​​ന്​ ആ​സ്​​പ​ദ​മാ​യ കാ​ര്യ​ങ്ങ​ളു​ടെ പൂ​ർ​ണ ഉ​ത്ത​ര​വാ​ദി​ത്തം പി. കെ കു​ഞ്ഞാ​ലി​ക്കു​ട്ടി​ക്കാണെന്നാണ് മു​ഈ​ന​ലി ത​ങ്ങ​ൾ ഇന്നലെ ആരോപിച്ചിരുന്നത്. പാ​ർ​ട്ടി പ​ത്ര​മാ​യ ച​ന്ദ്രി​ക​ക്കെ​തി​രാ​യ ആ​രോപ​ണ​ങ്ങ​ളു​ടെ നി​ജഃ​സ്​​ഥി​തി വി​ശ​ദീ​ക​രി​ക്കാ​ൻ വി​ളി​ച്ച വാ​ർ​ത്താസ​മ്മേ​ള​ന​ത്തി​ൽ ലീ​ഗി​‍െൻറ അ​ഭി​ഭാ​ഷ​ക വി​ഭാ​ഗ​മാ​യ കേ​ര​ള ലോ​യേ​ഴ്​​സ്​ ഫോ​റം സം​സ്​​ഥാ​ന പ്ര​സി​ഡ​ന്‍റ് അ​ഡ്വ. മു​ഹ​മ്മ​ദ്​ ഷാ​യോ​ടൊ​പ്പം പ​​ങ്കെ​ടു​ത്താ​ണ്​ കു​ഞ്ഞാ​ലി​ക്കു​ട്ടി​ക്കെ​തി​രെ മു​ഈ​ന​ലി ആ​ഞ്ഞ​ടി​ച്ച​ത്.

40 വ​ർ​ഷ​മാ​യി പാ​ർ​ട്ടി ഫ​ണ്ട്​ കൈ​കാ​ര്യം ചെ​യ്യു​ന്ന​ത്​ കു​ഞ്ഞാ​ലി​ക്കു​ട്ടി​യാ​ണ്. അ​ദ്ദേ​ഹം പ​ലത​വ​ണ മ​ത്സ​രി​ച്ച​പ്പോ​ൾ ചെ​ല​വാ​ക്കി​യ ഫ​ണ്ടി​ന്​ ക​ണ​ക്കി​ല്ല. പാ​ർ​ട്ടി ഒ​രു വ്യ​ക്​​തി​യി​ൽ കേ​ന്ദ്രീ​ക​രി​ക്കു​ന്ന​തു​കൊ​ണ്ടാ​ണ്​ ഇ​ങ്ങ​നെ സം​ഭ​വി​ക്കു​ന്ന​ത്. പി​താ​വ്​ ഹൈ​ദ​ര​ലി ത​ങ്ങ​ൾ മാ​ന​സി​ക സ​മ്മ​ർ​ദ​ങ്ങ​ൾ​ക്ക​ടി​പ്പെ​ട്ടാ​ണ്​ രോ​ഗാ​വ​സ്​​ഥ​യി​ലാ​യ​തെ​ന്നും മു​ഈ​ന​ലി വി​കാ​രാ​ധീ​ന​നാ​യി വി​ശ​ദീ​ക​രി​ച്ചിരുന്നു.