അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ആലപ്പുഴ: ചെങ്ങന്നൂരില്‍ വന്‍ കഞ്ചാവ് വേട്ട. രാവിലെ 9 മണിയോടുകൂടി ചെങ്ങന്നൂര്‍ ബഥേല്‍ ജംഗ്ഷന്‍ സമീപത്തുനിന്ന് വഴിയാത്രക്കാരായ രണ്ടുപേരെ ഏകദേശം 25 കിലോഗ്രാം വരുന്ന കഞ്ചാവുമായി പോലീസ് പിടികൂടി. ചെങ്ങന്നൂര്‍ സ്വദേശി സാഗര്‍(22) ചങ്ങനാശ്ശേരി സ്വദേശി സിയാദ് (26) എന്നിവരാണ് പിടിയിലായത്.
ചെങ്ങന്നൂര്‍ എസ്‌ഐ പ്രതിഭ നായരുടെ നേതൃത്വത്തിലുള്ള പോലീസ് സംഘമാണ് ഇവരെ പിടികൂടിയത്. രണ്ട് ട്രോളി ബാഗ്‌നുള്ളില്‍ വിവിധ പൊതികളിലായാണ് കഞ്ചാവ് സൂക്ഷിച്ചിരുന്നത്. ബാംഗ്ലൂരില്‍ നിന്നും ആണ് കഞ്ചാവ് എത്തിച്ചത് എന്നാണ് പ്രാഥമിക വിവരം. മറ്റു പ്രതികളെ കുറിച്ചുള്ള കൂടുതല്‍ വിവരങ്ങള്‍ പോലീസിനു ലഭിച്ചു കഴിഞ്ഞു എന്നാണ് അറിയാന്‍ കഴിഞ്ഞത്. ചെങ്ങന്നൂര്‍ എസ് ഐ പ്രതിഭ നായരുടെ നേതൃത്വത്തില്‍ പ്രതികളെ കൂടുതല്‍ ചോദ്യം ചെയ്തു വരുന്നു.
