അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.മുളന്തുരുത്തി: മുളന്തുരുത്തിയില്‍ യുവാവിനെ വീട്ടില്‍കയറി വെട്ടിക്കൊന്ന സംഭവത്തില്‍ മൂന്നുപേര്‍ അറസ്റ്റില്‍. നടക്കാവ് സ്വദേശി അതുല്‍ (25) ഉദയംപേരൂര്‍ സ്വദേശി ശരത് (27), വടക്കന്‍ പറവൂര്‍ സ്വദേശി മിഥുന്‍ (25) എന്നിവര്‍ പിടിയിലായിരിക്കുന്നത്‌.
മുളന്തുരുത്തി പെരുമ്പിള്ളി കളിക്കളം റോഡില്‍ മലേക്കുരിശിനു സമീപം ഇച്ചിരവേലില്‍ ജോജി മത്തായി (24) ആണ് കൊല്ലപ്പെട്ടത്.
തിങ്കളാഴ്ച വൈകിട്ടോടെയാണ് സംഭവം. രണ്ട് ബൈക്കുകളിലായി വടിവാളുമായി എത്തിയ മൂവര്‍ സംഘം വീടിനുള്ളില്‍ കയറി ജോജിയെ വെട്ടിപ്പരിക്കേല്‍പ്പിക്കുകയായിരുന്നു. തടയാന്‍ ചെന്ന പിതാവ് മത്തായിക്കും വെട്ടേറ്റു.
ഇരുവരെയും ആശുപത്രിയിലെത്തിച്ചെങ്കിലും നെഞ്ചിന് വെട്ടേറ്റ ജോജിയുടെ ജീവന്‍ രക്ഷിക്കാനായില്ല. ആക്രമണം നടന്നയുടനെ ബൈക്കും വടിവാളുകളും ഉപേക്ഷിച്ച്‌ ആക്രമികള്‍ ഓടി രക്ഷപ്പെട്ടതായി ദൃക്‌സാക്ഷികള്‍ പറയുന്നു.
ആശുപത്രിയിലേക്കുള്ള വഴി കൃത്യം ചെയ്തവരെപ്പറ്റി ജോജി സൂചന നല്‍കിയിരുന്നു.
