ന്യൂ​ന​പ​ക്ഷ സ്​​കോ​ള​ർ​ഷിപ്പ്; സ​ർ​ക്കാ​ർ ഉ​ത്ത​ര​വി​ലെ അ​നു​പാ​ത ക​ണ​ക്കി​ൽ ഒ​ളി​ച്ചു​ക​ളി

തിരുവനന്തപുരം: ന്യൂനപക്ഷ വിദ്യാര്‍ത്ഥി സ്‌കോളര്‍ഷിപ്പിനുള്ള അനുപാതം ജ​ന​സം​ഖ്യാ​നു​പാ​തി​ക​മാ​ക്കാ​നു​ള്ള സ​ർ​ക്കാ​ർ ഉ​ത്ത​ര​വി​ലെ  അ​നു​പാ​ത ക​ണ​ക്കി​ൽ ഒ​ളി​ച്ചു​ക​ളി. നി​ല​വി​ൽ മു​സ്​​ലിം വി​ദ്യാ​ർ​ഥി​ക​ൾ​ക്ക്​ 80 ശ​ത​മാ​ന​വും ല​ത്തീ​ൻ, പ​രി​വ​ർ​ത്തി​ത ക്രൈ​സ്​​ത​വ വി​ഭാ​ഗ​ങ്ങ​ൾ​ക്ക്​ 20 ശ​ത​മാ​ന​വും ന​ൽ​കി​വ​രു​ന്ന സ്​​കോ​ള​ർ​ഷി​പ്പി​ന്​ ഭാ​വി​യി​ൽ ഏ​ത്​ അ​നു​പാ​ത​മാ​യി​രി​ക്കു​മെ​ന്ന ക​ണ​ക്കി​ൽ ഉ​ത്ത​ര​വ്​ മൗ​നം പാ​ലി​ക്കു​ക​യാ​ണ്.

സ്‌കോള​ർ​ഷി​പ്പിന്റെ അ​നു​പാ​തം മാ​റ്റി​യ​ത്​ മ​റ​ച്ചു​വെ​ക്കാ​നു​ള്ള നീ​ക്ക​ത്തിന്റെ ഭാ​ഗ​മാ​യാ​ണ് ഉ​ത്ത​ര​വി​ലെ ​ഒ​ളി​ച്ചു​ക​ളി. നേ​ര​ത്തേ 80:20 ആ​യി​രു​ന്ന സ്​​കോ​ള​ർ​ഷി​പ്​ സ​ർ​ക്കാ​ർ തീ​രു​മാ​ന​ത്തി​ലൂ​ടെ 59.05 (മു​സ്​​ലിം): 40.87 (ക്രി​സ്​​ത്യ​ൻ) അ​നു​പാ​ത​ത്തി​ലേ​ക്ക്​ മാ​റു​മെ​ന്ന വ​സ്​​തു​ത മ​റ​ച്ചു​വെ​ക്കാ​നും ഉ​ത്ത​ര​വി​ലൂ​ടെ ശ്ര​മി​ക്കു​ന്നു.സ്​​കോ​ള​ർ​ഷി​പ്​ ജ​ന​സം​ഖ്യാ​നു​പാ​ത​ത്തി​ലേ​ക്ക്​ മാ​റു​​േ​മ്പാ​ൾ നി​ല​വി​ൽ 80 ശ​ത​മാ​നം ല​ഭി​ക്കു​ന്ന മു​സ്​​ലിം വി​ഭാ​ഗ​ത്തി​ന്​ 59.05 ശ​ത​മാ​ന​മാ​യി കു​റ​യു​ക​യും 20 ശ​ത​മാ​ന​മു​ണ്ടാ​യി​രു​ന്ന ​ക്രി​സ്​​ത്യ​ൻ വി​ഭാ​ഗ​ത്തി​ന്​ 40.87 ശ​ത​മാ​ന​മാ​യി വ​ർ​ധി​ക്കു​ക​യും ചെ​യ്യും.

അതേസമയം മുസ്ലിം, ക്രിസ്ത്യന്‍, സിഖ്, പാഴ്സി, ജൈന, ബുദ്ധ മതക്കാര്‍ എന്നിവരെയാണ് ന്യൂനപക്ഷങ്ങളായി കേന്ദ്രസര്‍ക്കാര്‍ വിജ്ഞാപനം ചെയ്തിട്ടുള്ളത്. സംസ്ഥാനത്ത് ന്യൂനപക്ഷങ്ങള്‍ക്കുള്ള മെറിറ്റ് സ്‌കോളര്‍ഷിപ്പില്‍ മുസ്ലിങ്ങളെയും ലത്തീന്‍ കത്തോലിക്ക പരിവര്‍ത്തിത ക്രിസ്ത്യന്‍ വിഭാഗങ്ങളെയും മാത്രമാണ് ഉള്‍പ്പെടുത്തിയത്. ഇത് വിവേചനമാണെന്നാണ് ഹൈക്കോടതി വ്യക്തമാക്കിയത്.സംസ്ഥാന ന്യൂനപക്ഷ കമ്മിഷന്റെ കൈവശമുള്ള ഏറ്റവും പുതിയ സെന്‍സസ് അനുസരിച്ച് ന്യൂനപക്ഷ സമുദായങ്ങള്‍ക്ക് മെറിറ്റ് സ്‌കോളര്‍ഷിപ്പ് തുല്യമായി വിതരണം ചെയ്യാന്‍ ഉത്തരവിറക്കണമെന്ന് ഹൈക്കോടതി നിര്‍ദേശിച്ചിരുന്നു.