അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ചെങ്ങന്നൂർ; പെട്രോൾ ഡീസൽ പാചക വാതക വില വർധനവിനെതിരെ ഡി വൈ എഫ് ഐ ചെങ്ങന്നൂർ ബ്ലോക്ക് കമ്മറ്റിയുടെ നേതൃത്വത്തിൽ ചെങ്ങന്നൂർ പോസ്റ്റ് ഓഫീസിന് മുന്നിൽ പ്രതിഷേധ ധർണ്ണ നടത്തി. ഡി വൈ എഫ് ഐ സംസ്ഥാന കമ്മറ്റി അംഗം രമ്യാ രമണൻ യോഗം ഉദ്ഘാടനം ചെയ്തു. ബ്ലോക്ക് പ്രസിഡൻ്റ് അഭിജിത്ത് പ്രവീൺ അദ്ധ്യക്ഷത വഹിച്ച യോഗത്തിൽ ബ്ലോക്ക് സെക്രട്ടറി ജെബിൻ പി വർഗ്ഗീസ് സ്വാഗതം ആശംസിച്ചു.
ജില്ലാ കമ്മറ്റി അംഗങ്ങളായ വിജേഷ്, റനീഷ് രാജൻ, ബ്ലോക്ക് വൈസ് പ്രസിഡൻ്റ് ലിജോ ജോയി, മേഖലാ സെക്രട്ടറി അശ്വിൻ ദത്ത്, എസ് എഫ് ഐ ജില്ലാ സെക്രട്ടറിയേറ്റ് അംഗം സോനു പി കുരുവിള, എസ് എഫ് ഐ ജില്ലാ കമ്മറ്റി അംഗം ഫയാസ് ബ്ലോക്ക് കമ്മറ്റി അംഗം അഫ്സൽ അമീർ, അശ്വിൻ ദത്ത് തുടങ്ങിയവർ യോഗത്തിൽ സംസാരിച്ചു.
