അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ഇന്ത്യൻ ക്രിക്കറ്റിലെ ‘വണ്ടിപ്രാന്തനാണ്’ മഹീന്ദ്രസിങ് ധോണി. സൂപ്പർബൈക്കുകളും സൂപ്പർകാറുകളും വിന്റേജ് കാറുകളും തുടങ്ങി വളരെ അപൂർവമായ ഹെൽകാറ്റ് എന്ന ബൈക്ക് വരെ ധോണിക്ക് സ്വന്തമായുണ്ട്. വിവാഹ വാർഷികം ആഘോഷിക്കുന്ന വേളയിൽ ധോണി ഭാര്യ സാക്ഷിക്ക് നൽകിയ സമ്മാനമാണ് ഇപ്പോൾ സമൂഹമാധ്യമങ്ങളിലെ താരം.
വിന്റേജ് ബീറ്റിലാണ് താരം ഭാര്യയ്ക്ക് സമ്മാനമായി നൽകിയത്. തന്റെ പുതിയ കാറിന് നന്ദി പറഞ്ഞ് സാക്ഷി സമൂഹമാധ്യമങ്ങളിൽ പോസ്റ്റ് ഇട്ടതോടെയാണ് സമ്മാനം വാർത്തകളിൽ നിറഞ്ഞത്. വിന്റേജ് ബീറ്റിലാണെങ്കിലും ഏതു വർഷത്തെ മോഡലാണ് എന്ന് വ്യക്തമല്ല. ഇതു കൂടാതെ ധോണിയുടെ ഗ്യാരേജിന്റെ വിഡിയോയും സാക്ഷി പങ്കുവച്ചിട്ടുണ്ട്. മസ്താങ്ങും റോൾഡ് റോയ്സ് സിൽവർ ഷാഡോ തുടങ്ങിയ വാഹനങ്ങളും ഗ്യാരേജിൽ കാണാം.
