അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.പുതിയ സേവനവുമായി റിലയന്‍സ് ജിയോ രംഗത്ത്. ഇനി മുതല്‍ റീച്ചാര്‍ജ്ജ് ചെയ്യാന്‍ പണം ആവശ്യമില്ല. പണമില്ലെങ്കിലും ലോണ്‍ എടുത്ത് ഫോണില്‍ ഉടനടി ഡാറ്റാ റീച്ചാര്‍ജ്ജ് ചെയ്യാം. ‘റീച്ചാര്‍ജ്ജ് നൗ പേ ലേയ്റ്റര്‍’ രീതിയാണ് ജിയോ അവതരിപ്പിച്ചിരിക്കുന്നത്.
അതേസമയം, ഈ സേവനത്തില്‍ അഞ്ച് എമര്‍ജന്‍സി ഡാറ്റാ പാക്കുകളാണ് ജിയോ ഉപഭോക്താക്കള്‍ക്കായി ഒരുക്കിയിരിക്കുന്നത്. 11 രൂപ നിരക്കില്‍ ഒരു ജിബി ഡാറ്റയുടെ അഞ്ച് ലോണ്‍ പാക്കാണ് ലഭിക്കുക. മൈ ജിയോ ആപ്പിലൂടെയാണ് ഈ അടിയന്തര ഡാറ്റാ വായ്പ്പ സേവനം ലഭ്യമാകുക. ഇതോടെ തടസ്സമില്ലാതെ ഇന്റര്‍നെറ്റ് സേവനങ്ങള്‍ ആസ്വദിക്കാന്‍ ഉപഭോക്താക്കള്‍ക്ക് സാധിക്കും.
