അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.സൗദിയിൽ തടവുകാർക്ക് പൊതുമാപ്പ് നൽകാൻ നിർദേശം നൽകി സൽമാൻ രാജാവ് . ഇതേ തുടർന്ന് സൽമാൻ രാജാവ് പ്രഖ്യാപിച്ച പൊതുമാപ്പിന് അർഹരായവരെ ജയിൽമോചിതരാക്കി അവരുടെ കുടുംബങ്ങളിലേക്ക് തിരിച്ചയക്കാനുള്ള നടപടികൾ ജയിൽ വകുപ്പ് ആരംഭിച്ചു. സൽമാൻ രാജാവിൻറ ഉത്തരവ് വേഗത്തിൽ നടപ്പാക്കാൻ ആഭ്യന്തരമന്ത്രി അമീർ അബ്ദുൽ അസീസ് ബിൻ സഊദ് നിർദേശം നൽകിയതായി ജയിൽ ഡയറക്ടർ ജനറൽ വ്യക്തമാക്കി.
അനുകമ്പയുള്ളതും മാനുഷികവുമായ ഉത്തരവാണ് സൽമാൻ രാജാവ് പുറപ്പെടുവിച്ചിരിക്കുന്നത്. ജയിലിൽനിന്ന് മോചനം ലഭിച്ച് കുടുംബങ്ങളുമായി ഒന്നിച്ചുകഴിയുമ്പോൾ രാജകാരുണ്യം പൊതുമാപ്പിന്റെ ഗുണഭോക്താക്കളുടെ ഹൃദയത്തിൽ വലിയ സ്വാധീനം ചെലുത്തുമെന്നും ജയിൽ ഡയറക്ടർ ജനറൽ പറഞ്ഞു.
