അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.തിരുവനന്തപുരം: കെ.പി.സി.സി അദ്ധ്യക്ഷനാകുമെന്ന വാര്‍ത്തകള്‍ നിഷേധിച്ച്‌ മുന്‍ മുഖ്യമന്ത്രി ഉമ്മന്‍ ചാണ്ടി. കെ.പി.സി.സി അദ്ധ്യക്ഷ സ്ഥാനത്തെ കുറിച്ച്‌ എ.ഐ.സിസിയാണ് തീരുമാനം എടുക്കേണ്ടതെന്നും മറിച്ചുള്ള വാര്‍ത്തകള്‍ തെറ്റാണെന്നും ഉമ്മന്‍ ചാണ്ടി പറഞ്ഞു. മാധ്യമങ്ങളില്‍ വരുന്ന വാര്‍ത്തയ്ക്ക് എന്ത് അടിസ്ഥാനമാണെന്നും അദ്ദേഹം ചോദിച്ചു.
പ്രതിപക്ഷ നേതാവായി സ്ഥാനമേറ്റ വി.ഡി സതീശന് എല്ലാവിധ പിന്തുണയുമുണ്ടെന്ന് ഉമ്മൻ ചാണ്ടി പറഞ്ഞു. എല്ലാവരുടെയും സഹകരണത്തോടെ യുഡിഎഫ് മുന്നോട്ട് പോകുമെന്നും പരാജയത്തിന്റെ കാര്യങ്ങൾ പരിശോധിച്ച്, തിരുത്തി മുന്നോട്ട് പോകണമെന്നും ഉമ്മൻ ചാണ്ടി പറഞ്ഞു.
അതേസമയം, എംഎൽഎ സ്ഥാനത്ത് കൂടുതൽ ശോഭിക്കാനായത് ഉമ്മൻ ചാണ്ടി പ്രതിപക്ഷ നേതാവ് ആയിരുന്ന കാലത്താണെന്ന് വി.ഡി സതീശൻ പറഞ്ഞു. പ്രതിപക്ഷ നേതാവായിരുന്ന സമയത്ത് രമേശ് ചെന്നിത്തല കൊണ്ടുവന്ന ആരോപണങ്ങൾ ശരിയെന്ന് തെളിഞ്ഞിരുന്നുവെന്നും ആഴക്കടൽ മത്സ്യ ബന്ധന കരാർ പൂർണ്ണമായും റദ്ദാക്കണമെന്നും വി.ഡി സതീശൻ പറഞ്ഞു.
