അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.കോഴിക്കോട്: ബിജെപി സംസ്ഥാന അധ്യക്ഷന്‍ കെ സുരേന്ദ്രന്‍ കോഴിക്കോട് നടത്തിയ വാര്‍ത്താസമ്മേളനം റിപ്പോര്‍ട്ട് ചെയ്യാനെത്തിയ ഏഷ്യാനെറ്റ് പ്രതിനിധിയെ ഇറക്കിവിട്ടു. തളിയിലെ ജില്ലാകമ്മിറ്റി ഓഫീസിലെ വാര്‍ത്താസമ്മേളനത്തില്‍ നിന്നാണ് പറഞ്ഞുവിട്ടത്.
വാര്‍ത്താസമ്മേളനം ആരംഭിക്കുന്നതിന് മുമ്പേ ഏഷ്യാനെറ്റ് റിപ്പോര്‍ട്ടറും ക്യാമറമാനും സ്ഥലത്തെത്തിയിരുന്നു. എന്നാല്‍ ബി ജെ പി പ്രതിനിധികള്‍ വന്ന് ഏഷ്യാനെറ്റ് സംഘത്തോട് ഇറങ്ങിപ്പോകാന്‍ ആവശ്യപ്പെടുകയായിരുന്നു. ബിജെപിയുടെ വാര്‍ത്താസമ്മേളനം ഏഷ്യാനെറ്റ് റിപ്പോര്‍ട്ട് ചെയ്യേണ്ടതില്ലെന്ന് പറഞ്ഞായിരുന്നു നടപടി.
ഏഷ്യാനെറ്റ് ബഹിഷ്‌കരണത്തിനുള്ള ബിജെപി തീരുമാനത്തിന്റെ ഭാഗമായാണ് പറഞ്ഞുവിട്ടത്. നേരത്തെ കേന്ദ്രസഹമന്ത്രി വി മുരളീധരന്‍ ഡല്‍ഹിയില്‍ ഔദ്യോഗിക വാര്‍ത്താസമ്മേളനത്തില്‍ നിന്നും ഏഷ്യാനെറ്റിനെ ഇറക്കിവിട്ടിരുന്നു.
