അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.മലപ്പുറം: കോവിഡ് പ്രതിദിന രോഗബാധിതരുടെ എണ്ണം ഉയരുന്ന സാഹചര്യത്തില്‍ മലപ്പുറത്ത് നാളെ സമ്പൂര്‍ണ്ണ അടച്ചിടല്‍ പ്രഖ്യാപിച്ചു. അടിയന്തര മെഡിക്കല്‍ സര്‍വീസുകള്‍ക്ക് മാത്രമേ പ്രവര്‍ത്തിക്കാന്‍ അനുമതിയുള്ളു.
അതേസമയം, ട്രിപ്പിള്‍ ലോക്ക്ഡൗണ്‍ നിലവിലുള്ള മലപ്പുറം ജില്ലയില്‍ നാളെ അവശ്യസാധനങ്ങള്‍ വില്‍ക്കുന്ന കടകളും തുറക്കില്ലെന്ന് ജില്ലാ കളക്ടര്‍ ബി ഗോപാലകൃഷ്ണന്‍ വ്യക്തമാക്കി. ജില്ലയില്‍ നിയന്ത്രണങ്ങള്‍ കടുപ്പിക്കാനും ഗ്രാമ പ്രദേശങ്ങളില്‍ നാളെ മുതല്‍ വ്യാപക പരിശോധന നടത്താനുമാണ് പോലീസിന്റെ തീരുമാനം. ജനങ്ങള്‍ സഹകരിക്കണമെന്നും കളക്ടര്‍ ആവശ്യപ്പെട്ടു. ഇന്നലെ മാത്രം മലപ്പുറത്ത് 3499 പേര്‍ക്കാണ് കോവിഡ് സ്ഥിരീകരിച്ചത്.
