അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.നവാഗതനായ ബിന്‍ഷാദ് നാസര്‍ സംവിധാനം ചെയ്ത അതിജീവനത്തിന്റെ കഥ പറയുന്ന ‘കച്ചി’ നീസ്ട്രിമില്‍ റിലീസ് ചെയ്തു. കേന്ദ്രകഥാപാത്രത്തെ അവതരിപ്പിക്കുന്നത് മനോഹരിയമ്മയാണ്. ബിനു പപ്പു, സിനോജ് വര്‍ഗീസ്, ശ്രേഷ്ട എന്നിവരാണ് ചിത്രത്തിലെ പ്രധാന വേഷങ്ങള്‍ അവതരിപ്പിക്കുന്നത്.പിപിജെ പ്രൊഡക്ഷന്‍സിന്റെ ബാനറില്‍ പോള്‍ പി ജോണ്‍ ആണ് ചിത്രത്തിന്റെ നിര്‍മ്മാണം.
68 വയസ്സുള്ള മുതിര്‍ന്ന ഒരു സ്ത്രീ കഥാപാത്രം തന്റെ കൊച്ചുമകളോടൊപ്പം നേരിടേണ്ടി വരുന്ന ചില അപകട സാഹചര്യങ്ങളും അതില്‍ നിന്നുള്ള അതിജീവനവുമാണ് സിനിമയില്‍ പറഞ്ഞുപോകുന്നത്. ചിത്രത്തിന്റെ കഥ, തിരക്കഥ, സംഭാഷണം ഒരുക്കിയിരിക്കുന്നത് ദേവന്‍ സുബ്രഹ്മണ്യനാണ്.
