അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.തിരുവനന്തപുരം:നെടുമങ്ങാട് ഭർത്താവ് ഭാര്യയെ വെട്ടി കൊലപ്പെടുത്തിയ ശേഷം ജീവനൊടുക്കാൻ ശ്രമിച്ചു. നെടുമങ്ങാട് ശ്രീവത്സത്തിൽ സതീശൻ നായർ (60 ) ആണ് ഭാര്യ ഷീജയെ (48 ) വെട്ടി കൊലപ്പെടുത്തിയ ശേഷം ഞരമ്പ് മുറിച്ച് ആത്മഹത്യക്ക് ശ്രമിച്ചത്.
ഇന്ന് രാവിലെ 10.30 ഓടെയാണ് സംഭവം. സതീശൻ നായരും ഷീജയും തമ്മിൽ എന്നും വഴക്കായിരുന്നു. ഇന്നലെ വഴക്ക് ഉണ്ടായ സമയത്ത് ഷീജയുടെ താലിമാല സതീശൻ പൊട്ടിച്ചിരുന്നു.
ഈ വിവരം ഷീജ തന്റെ വീട്ടുകാരെ അറിയിച്ചു. ഇതിന് ശേഷം ഷീജ ആത്മഹത്യക്ക് ശ്രമിച്ചുവെന്നും വിവരം. തുടർന്ന് വീട്ടുകാർ നെടുമങ്ങാട് പോലീസിൽ പരാതിപ്പെട്ടു. തുടർന്ന് ഇന്ന് രാവിലെ ഇരുവരും വഴക്ക് ഉണ്ടാകുകയും സതീശൻ ഷീജയെ വെട്ടി കൊലപ്പെടുത്തുകയും ആയിരുന്നു.
