അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.മലപ്പുറം: വളാഞ്ചേരിയിൽ നിർത്തിയിട്ടിരുന്ന മിനി ലോറി മോഷണം പോയി. കോട്ടക്കൽ സ്വദേശി പ്രജീഷിന്റെ ഉടമസ്ഥതയിലുള്ള വാഹനമാണ് മോഷണം പോയത്. പുലർച്ചെ 1.30 ന് വാഹനം നിർത്തിയിട്ട സ്ഥലത്ത് നിന്നും മോഷ്ടിക്കുന്നത് സിസിടിവി ദൃശ്യത്തിൽ പതിഞ്ഞിട്ടുണ്ട്.
ഇന്നലെ രാത്രി പതിനൊന്നരയോടെയാണ് പ്രജീഷ് വാഹനം വളാഞ്ചേരിയിലെ സ്വകാര്യ സ്ഥാപനത്തിന് പുറകിലുള്ള ഗ്രൗണ്ടിൽ പാർക്ക് ചെയ്തത്. എന്നാൽ രാവിലെ വന്ന് നോക്കിയപ്പോൾ വാഹനം കാണാൻ ഉണ്ടായിരുന്നില്ല. തുടർന്ന് സമീപത്തെ കടയിലെ സിസിടിവി പരിശോധിച്ചപ്പോഴാണ് പുലർച്ചെ വാഹനം മോഷ്ടിച്ച് കൊണ്ടുപോകുന്നത് കണ്ടത്.
കെ എൽ 65 കെ 2630 അശോക് ലെയലൻഡ്‌ ദോസ്ത് വാഹനമാണ് മോഷണം പോയത്. വാഹനം കണ്ടു കിട്ടുന്നവർ 8075009647 എന്ന നമ്പറിലോ 9746118546 എന്ന നമ്പറിലോ ബന്ധപ്പെടാൻ അഭ്യര്ഥിക്കുന്നതായി വാഹനമുടമ പ്രജീഷ് അറിയിച്ചു.
