അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.സാങ്കേതിക തകരാര്‍ മൂലം എന്‍എസ്ഇയില്‍ ഓഹരി വ്യാപാരം താല്‍ക്കാലികമായി നിര്‍ത്തിവെച്ചു. ഫ്യൂച്ചര്‍ ആന്‍ഡ് ഓപ്ഷന്‍സ് 11.40 നും ക്യാഷ് മാര്‍ക്കറ്റ് 11.43നുമാണ് നിര്‍ത്തി വെച്ചത്. തകരാര്‍ മൂലം എന്‍എസ്ഇവഴിയുള്ള എല്ലാ ബ്രോക്കര്‍മാരുടെയും ഇടപാടുകള്‍ തടസ്സപെട്ടു.
ഓഹരി ഇടപാടുകള്‍ക്ക് ബിഎസ്ഇയുടെ സേവനം ഉപയോഗപ്പെടുത്താമെന്ന് സെറോധ ട്വീറ്റ് ചെയ്തിട്ടുണ്ട്‌. തകരാര്‍ പരിഹരിച്ചശേഷം വ്യാപാരം പുനരാരംഭിക്കുമെന്ന് എന്‍എസ്ഇ അധികൃതര്‍ അറിയിച്ചു. ടെലികോം സേവന ദാതാക്കളില്‍ നിന്നുള്ള തകരാറാണ് ട്രേഡിങ് ടെര്‍മിനുകളെ ബാധിച്ചത്.
