അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.തിരുവനന്തപുരം: തിരുവനന്തപുരം നഗരത്തില്‍ പോലീസിന് നേരെ ഗുണ്ടാ ആക്രമണം. തിരുവനന്തപുരം ഗാന്ധാരിയമ്മൻ കോവിലിന് സമീപമാണ് സംഭവം നടന്നത്.
ഫോർട്ട് പൊലീസിന് നേരെയായിരുന്നു ആക്രമണമുണ്ടായത്. വീട് ആക്രമിച്ച കേസിലെ പ്രതികളെ പിടികൂടാന്‍ ശ്രമിക്കുന്നതിനിടെയാണ് ആക്രമണമുണ്ടായത്. പോലീസ് വാഹനം ഇടിച്ചുതെറിപ്പിക്കാന്‍ ശ്രമിച്ചു. അക്രമികളായ മൂന്ന് പേരേയും ഫോര്‍ട്ട് പോലീസ് പിടികൂടി.
ചന്ദ്രബോസ്, ജിജു, ഫിറോസ് എന്നിവരാണ് പിടിയിലായത്.
ആൽത്തറ വിനീഷ് കൊലപാതകം, രഞ്ജിത് കൊലപാതകം എന്നീ കേസുകളിലെ പ്രതികളാണ് ഇവർ.
