അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ചെന്നൈ: രക്തസമ്മർദ്ദത്തെ തുടർന്ന് ആശുപത്രിയിൽ പ്രവേശിപ്പിച്ചിരുന്ന നടൻ രജനികാന്ത് ചെന്നൈയിൽ തിരിച്ചെത്തി. വീട്ടിൽ തിരിച്ചെത്തിയ രജനികാന്തിനെ ഭാര്യ ലത ആരതിയുഴിഞ്ഞ് വരവേൽക്കുന്ന ചിത്രം ഇതിനോടകം തന്നെ ആരാധകർ ഏറ്റെടുത്തു കഴിഞ്ഞു.
ഒരാഴ്ചയായി ഹൈദരാബാദിലെ ആശുപത്രിയിൽ ചികിത്സയിലായിരുന്ന അദ്ദേഹം കഴിഞ്ഞ ദിവസമാണ് ആശുപത്രിയിൽ നിന്ന് ഡിസ്ചാർജ് ചെയ്തത്. ആരോഗ്യ പ്രശ്ങ്ങളെ തുടർന്ന് വിശ്രമം വേണമെന്നാണ് ഡോക്ടർമാരുടെ നിർദേശം.
അതേസമയം, ഈ മാസം രാഷ്ട്രീയ പാർട്ടി പ്രഖ്യാപനം നടത്താനിരിക്കെയാണ് രജനികാന്തിന്റെ ആരോഗ്യനില മോശമാകുന്നത്. ജനുവരി ഒന്ന് മുതൽ പ്രവർത്തനം തുടങ്ങുമെന്ന് കരുതിയിരുന്ന പാർട്ടി പ്രവർത്തനം നീളുമോ എന്ന ആശങ്കയും ഉണ്ട്.
