അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.യമഹയുടെ യൂറോപ്പ് വിഭാഗം പുതിയ ലിമിറ്റഡ് എഡിഷൻ YZF-R1 പുറത്തിറക്കി. സാറ്റലൈറ്റ് ടീമിന്റെ മോട്ടോജിപി ബൈക്കിൽ കാണുന്ന അതേ പെട്രോനാസ് കളർ ഓപ്ഷനാണ് ജാപ്പനീസ് ബ്രാൻഡ് പുതിയ മോഡലിൽ അവതരിപ്പിക്കുന്നത്.
സാറ്റലൈറ്റ് ടീമിന്റെ പ്രധാന സ്പോൺസറായ പെട്രോനാസിന്റെ 46-ാം വർഷത്തെ ആഘോഷത്തിന്റെ ഭാഗമായാണ് പുത്തൻ മോഡൽ യമഹ പുറത്തിറക്കിയിരിക്കുന്നത്. ശരിക്കും ഈ പുതിയ മോട്ടോർസൈക്കിളിന് കോസ്മെറ്റിക് നവീകരണങ്ങളൊന്നും ലഭിക്കുന്നില്ല. ഒരു റേസ് ട്രാക്കിൽ ബൈക്ക് കൂടുതൽ വേഗത കൈവരിക്കാനായി ധാരാളം പെർഫോമൻസ് ഗുഡികൾ നേടുന്നതാണ് ശ്രദ്ധേയം.
അതിൽ യമഹ യൂറോപ്പിന്റെയും പെട്രോനാസ് യമഹ സെപാംഗ് റേസിംഗ് ടീമിന്റെയും പിന്തുണയോടെ റെപ്ലിക്കേഷൻ R1 ൽ ഭാരം കുറഞ്ഞതും മോടിയുള്ളതുമായ യഥാർഥ യമഹ ടെക്നോളജി ഫോർ റേസിംഗ് കാർബൺ ഫെയറിംഗ് കിറ്റും മോട്ടോജിപി വിംഗ്‌ലെറ്റുകളും കമ്പനി വാഗ്ദാനം ചെയ്യുന്നു.
കൂടാതെ ഈ പ്രത്യേക R1 ന് ഓഹ്‌ലിൻസ് FGRT ഫ്രണ്ട് ഫോർക്കുകളും ഒരു TTX റിയർ ഷോക്കും ലഭിക്കുന്നു. പുതിയ സ്റ്റിയറിംഗ് ഡാംപറും ബൈക്കിൽ കാണാം. പിറ്റ്‌ലെയ്‌നിലെ വേഗത്തിലുള്ള റബർ മാറ്റങ്ങൾക്ക് പിൻ വീലിനായുള്ള ക്വിക്ക് റിലീസും ഉണ്ട്. GP4-RX കാലിപ്പറുകളിൽ നിന്നാണ് ബൈക്കിന് ബ്രേക്കിംഗ് ലഭിക്കുന്നത്.
അതോടൊപ്പം ക്ലച്ച് ലിവർ, ഫ്രണ്ട് റിമോട്ട് ബ്രേക്ക് അഡ്ജസ്റ്റർ എന്നിവയും ബ്രെംബോ നൽകിയിട്ടുണ്ട്. ഫാൻസി അലുമിനിയം മാർഷെസിനി വീലുകളാണ് പുതിയ ലിമിറ്റഡ് എഡിഷൻ YZF-R1 ഉപയോഗിക്കുന്നത്. ഇതിൽ 46 യൂണിറ്റുകൾ മാത്രമാണ് യമഹ ഉത്പാദിപ്പിക്കുക. ഓരോ ഉപഭോക്താവിനും KYT ഹെൽമെറ്റ്, ബ്രാൻഡ് ഷർട്ട്, ഭാവിയിലെ മോട്ടോജിപി റേസുകളിൽ ഒരു വിഐപി അതിഥിയാകാനുള്ള അവസരം എന്നിവയും മോട്ടോർസൈക്കിൾ സ്വന്തമാക്കുന്നതിലൂടെ ലഭിക്കും. പുതിയ ലിമിറ്റഡ് എഡിഷൻ യമഹ YZF-R1 സ്വന്തമാക്കാൻ 46,000 യൂറോയാണ് മുടക്കേണ്ടത്. അതായത് ഏകദേശം 40.67 ലക്ഷം രൂപ.
