അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.കൈ നിറയെ സിനിമകളും ഹിറ്റുകളുമായി നിറഞ്ഞു നിൽക്കുകയാണ് പൃഥ്വിരാജ്. താരത്തിന്റേതായി ഉടന്‍ റിലീസിനൊരുങ്ങുന്ന ചിത്രം ബ്ലെസി സംവിധാനം ചെയ്യുന്ന ആടുജീവിതമാണ്.
ചിത്രത്തിന്റെ പ്രൊമോഷനിടെ ഒരഭിമുഖത്തിൽ ഖാലിദ് റഹ്‌മാനുമൊത്ത് ഒരു ചിത്രത്തിന് കൈ കൊടുത്തതായി വെളിപ്പെടുത്തിയിരിക്കുകയാണ് താരം.
പൃഥ്വിരാജ് നായകനായ ‘സപ്തമ ശ്രീ തസ്കരാ’ എന്ന ചിത്രത്തിന്റെ അസ്സോസിയേറ്റ് ഡയറക്ടർ ആയി ഖാലിദ് റഹ്മാൻ പ്രവർത്തിച്ചിരുന്നു. ചിത്രീകരണ വേളയിൽ അദ്ദേഹത്തിൽ കഥപറച്ചിൽ ഇഷ്ടമായെന്ന്, ഖാലിദിനെ പൃഥ്വിരാജ് പ്രശംസിക്കുകയും ചെയ്തിരുന്നു.
Driver chettan padam❤️🔥 https://t.co/lYjfvx4wN1
— Sooraj 🧢 (@Sooraj9847) March 18, 2024
ഈ വർഷം എന്തായാലും ഖാലിദ് പൃഥ്വിരാജ് ചിത്രത്തിന്റെ ചിത്രീകരണത്തിന് സാധ്യത ഇല്ല. സ്വന്തം സംവിധാനത്തിലൊരുങ്ങുന്ന എമ്പുരാന്റെ തിരക്കിലാണ് താരമിപ്പോൾ. നിരവധി ചിത്രങ്ങളിൽ ഇതിനോടകം തന്നെ പൃഥ്വിരാജ് കരാർ ഒപ്പിട്ടതായും റിപ്പോർട്ടുകൾ ഉണ്ട്.
‘ഉണ്ട’, ‘തല്ലുമാല’ തുടങ്ങിയ ചിത്രങ്ങളും ഖാലിദിന്റെ സംവിധാനത്തിലെത്തിയവയാണ്. ചിദംബരത്തിൻ്റെ റെക്കോർഡ് ബ്ലോക്ക്ബസ്റ്റര്‍ മഞ്ഞുമ്മല്‍ ബോയ്‌സിൽ ഒരു കഥാപാത്രത്തെ ഖാലിദ് അവതരിപ്പിച്ചിട്ടുണ്ട്. ഇതാദ്യമായല്ല സിനിമകളിൽ ഖാലിദ് അഭിനയിക്കുന്നത്.
അദ്ദേഹം സഹസംവിധായകനായ നോര്‍ത്ത് 24 കാതം, സപ്തമശ്രീ തസ്കരാ: എന്നീ ചിത്രങ്ങളിൽ ഖാലിദ് റഹ്മാൻ ചെറിയ വേഷങ്ങളിലെത്തിയിരുന്നു. കൂടാതെ പറവ, മായനദി, സുലൈഖ മൻസിൽ എന്നീ സിനിമകളിലും അദ്ദേഹം ചെറിയ വേഷങ്ങളിൽ അഭിനയിച്ചിട്ടുണ്ട്.
