അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.തിരുപ്പതി തിരുമല ക്ഷേത്രത്തിൽ ദർശനം നടത്തി മോഹൻലാൽ. സുഹൃത്തുക്കൾക്കൊപ്പമാണ് താരം ക്ഷേത്രത്തിലെത്തിയത്. സന്ദർശനം കഴിഞ്ഞെത്തിയ താരത്തെ മാധ്യമങ്ങൾ വളഞ്ഞെങ്കിലും പ്രതികരണം നടത്തിയില്ല.
അതേസമയം പൃഥ്വിരാജ് സംവിധാനം ചെയ്യുന്ന എംപുരാൻ ആണ് മോഹൻലാൽ ഇപ്പോൾ അഭിനയിച്ചുകൊണ്ടിരിക്കുന്ന ചിത്രം. അമേരിക്കയിലെ മൂന്നാം ഷെഡ്യൂൾ പൂർത്തിയായി ഈ മാസം ആദ്യമാണ് മോഹൻലാൽ കേരളത്തിൽ തിരിച്ചെത്തിയത്. തിരുവനന്തപുരത്താണ് സിനിമയുടെ അടുത്ത ഷെഡ്യൂൾ ആരംഭിക്കുന്നത്.
മോഹൻലാൽ ആദ്യമായി സംവിധായകനാകുന്ന ‘ബറോസ്’ മെയ് മാസം റിലീസ് ചെയ്തേക്കുമെന്നും റിപ്പോർട്ടുകളുണ്ട്.
അതേസമയം മോഹൻലാലിന്റെ പുതിയ സിനിമയുടെ പ്രഖ്യാപനം കഴിഞ്ഞ ദിവസം നടന്നിരുന്നു. ഓപ്പറേഷൻ ജാവ, സൗദി വെള്ളക്ക തുടങ്ങിയ സിനിമകളുടെ സംവിധായകൻ തരുൺ മൂർത്തിക്കൊപ്പമാണ് മോഹൻലാലിന്റെ പുതിയ ചിത്രം.
#WATCH | Actor Mohanlal offered prayers at Tirumala Tirupati temple, earlier today pic.twitter.com/Q1ILzVihza
— ANI (@ANI) March 19, 2024
മോഹൻലാലിന്റെ 360-ാം ചിത്രത്തിന് തിരക്കഥയൊരുക്കുന്നത് തരുണും കെ ആർ സുനിലും ചേ‌‍‍ർന്നാണ്. നിരവധി അന്താരാഷ്ട്ര ആർട്ട് ഫെസ്റ്റിവലുകളിൽ ഫോട്ടോഗ്രാഫിക് ഷോ അവതരിപ്പിച്ച ആർട്ടിസ്റ്റും പ്രമുഖ ദിനപത്രങ്ങളിലും മാഗസിനുകളിലും ഫീച്ചറുകള്‍ എഴുതുന്ന എഴുത്തുകാരനുമാണ് കെ ആർ സുനിൽ.
സിനിമയിലെ മറ്റ് അഭിനേതാക്കളുടെ നിർണ്ണയം പൂർത്തിയായി വരികയാണ്.
