അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.കോഴിക്കോട്: ജാമിയ മര്‍കസിന് കീഴില്‍ പ്രവര്‍ത്തിക്കുന്ന വിവിധ ഡിപ്പാർട്ടുമെന്റുകളിലെ 2023-24 വര്‍ഷത്തെ ഫൈനല്‍ പരീക്ഷ ഫലം പ്രഖ്യാപിച്ചു. ജാമിഅഃ ചാൻസിലർ സി മുഹമ്മദ് ഫൈസിയാണ് മർകസ് ഔദ്യോഗിക യുട്യൂബ് ചാനലിലൂടെ ചൊവ്വ രാവിലെ 11 ന് ഫലപ്രഖ്യാപനം നടത്തിയത്.
ഇന്ത്യയിലെ 15 സംസ്ഥാനങ്ങളിൽ നിന്നുള്ള 1228 വിദ്യാർത്ഥികളാണ് ഇത്തവണ പരീക്ഷയെഴുതിയത്. ഇതിൽ 97 ശതമാനം പേർ വിജയികളായി.
വിവിധ ഡിപ്പാർട്ടുമെന്റുകളിലായി മുഹമ്മദ് റുശ്ദ് വേങ്ങര, മുഫീദ് എരഞ്ഞിക്കല്‍, മുഹമ്മദ് സ്വാലിഹ് എടരിക്കോട്, മുഹമ്മദ് ഫവാസ് മോങ്ങം, മുഹമ്മദ് സുഫ്‌യാൻ മഹാരാഷ്ട്ര, ഉബൈദുല്ല പടിഞ്ഞാറ്റുമുറി, മുഹമ്മദ് ഫാളില്‍ എരുമ്പാടിക്കുന്ന്, മുഹമ്മദ് മുര്‍ശിദ് വിളയൂര്‍ എന്നിവർ ഒന്നാം റാങ്ക് കരസ്ഥമാക്കി.
ഫലപ്രഖ്യാപന ചടങ്ങിൽ ജാമിയ പ്രൊ ചാൻസിലർ ഡോ. ഹുസൈൻ സഖാഫി ചുള്ളിക്കോട്, കുല്ലിയ്യ ശരീഅ ഡീന്‍ അബ്ദുൽ ജലീൽ സഖാഫി ചെറുശ്ശോല സംബന്ധിച്ചു. വിജയികളെ ജാമിയ മര്‍കസ് ഫൗണ്ടർ ചാന്‍സിലര്‍ കാന്തപുരം എ പി അബൂബക്കര്‍ മുസ്‌ലിയാര്‍ അനുമോദിച്ചു.
പരീക്ഷാഫലം www.jamiamarkaz.in എന്ന വെബ്സൈറ്റില്‍ ലഭ്യമാണ്. പുനർമൂല്യനിർണയത്തിന് മാര്‍ച്ച് 26 വരെ അപേക്ഷിക്കാമെന്ന് കണ്‍ട്രോളര്‍ ഓഫ് എക്സാമിനേഷന്‍ അറിയിച്ചു.
